Gjuetarja 12-vjeçare është cilësuar ‘vrasëse’, pasi pozoi me kafshët që vrau (Foto)

Një 12-vjeçare nga Shtetet e Bashkuara, ka shkaktuar zemërim të madh në internet, pasi i ka postuar dy fotografi ku tregon për një zebër dhe një gjirafë që e ka vrarë.

Aryanna Gourdin dhe babai saj Eli, kanë udhëtuar për në Afrikën e Jugut, ku kanë dalë në gjueti dhe më pas i kanë publikuar imazhet me pretë e zëna, transmeton Telegrafi.

Por, mbrojtësit e të drejtave të kafshëve, e kanë cilësuar këtë mizori mbi botën e egër ndërsa vajzën e kanë quajtur ‘vrasëse’.

Madje, në fotografinë ku ajo shihet me gjirafën e ngordhur, janë lënë më se 73 mijë komente, ku ajo quhet e ‘sëmurë’ dhe ‘urrejtëse e kafshëve’.

“Kërkoj falje ndaj të gjithëve që janë ofenduar nga këto pamje, por unë kam shkuar në gjueti në një vend të lejuar. Ne kemi vrojtuar dhe ndjekur kafshët për disa ditë derisa i kemi zënë, e gjithë kjo është në suaza të normales”, ka thënë Gourdin për ABC News.

Megjithëse i ka hequr fotografitë nga Facebook, ajo ka thënë se do të vazhdojë edhe më tutje të  del në gjueti sepse është një hobi shumë i mirë dhe i pastër. /Telegrafi/