LAJMI I FUNDIT:

Gjermania nis kontrollet masive për punësimet ilegale në sektorin e ndërtimtarisë, preken edhe punëtorët nga Ballkani

Gjermania nis kontrollet masive për punësimet ilegale në sektorin e ndërtimtarisë, preken edhe punëtorët nga Ballkani

Në një aksion të gjerë në të gjithë Gjermaninë, autoritetet doganore zbuluan shumë punëtore pa leje qëndrimi apo pune. Po ashtu, u gjetën shkelje të punëdhënësve në lidhje me pagën minimale.

Reklama

Aksioni i Doganës ishte pjesë e një kontrolli të përgjithshëm kundër punës në të zezë në Gjermani. Qëllimi ishte të kontrollohej respektimi i detyrimit të sigurimeve sociale dhe pagës minimale, si edhe zbulimi i punës ilegale.

Në të gjithë Gjermaninë u angazhuan për kontrolle 3,400 zyrtarë doganor. Në fokus ishin sidomos kantieret e mëdha të ndërtimit, ku shpesh gjenden raste të punësimit ilegal.

Prej vitesh në Gjermani gjenden mijëra vetë nga Ballkani Perëndimor, që punojnë sidomos në kantieret e ndërtimit në të zezë dhe në kushte të këqija pune.

Sipas një zëdhënësi të Doganës Qendrore të Shvainfurtit, “sektori i ndërtimit është shumë i prekur nga puna në të zezë dhe punësimi ilegal”.

Vetëm në landin e Meklenburg-Pomeranisë u kontrolluan 610 vetë dhe në 48 raste u gjetën persona pa dokumente të rregullta që duhen verifikuar më tej. Në Hannover në një kantier ndërtimi nga 69 të punësuar, u gjetën 47 persona me dokumente të pasakta, që po ashtu do të kontrollohen më tej. Edhe në landin Renani Veriore-Vestfali u bënë kontrolle nga qindra punonjës të doganës. Në Köln nga 350 persona të kontrolluar në ndërtim u gjetën 30 vetë që punonin në të zezë.

Pra, gati çdo i dhjeti person. Shumica u gjetën në një kantier ndërtimi në Koln-Dojtc. Jens Ahland, zëdhënës i Doganës tha se, “bëhet fjalë të kontrollohet nëse punëtorët kanë lejen e punës, apo nëse marrin asistencë sociale dhe natyrisht nëse punëdhënësit e respektojnë dhënien e pagës minimale”.

Përmes punës ilegale shtetit gjerman i shkaktohet një dëm i madh financiar.

Vetëm vitin e kaluar u kontrolluan në 15 mijë raste punëdhënësit e sektorit të ndërtimit. Në më shumë se 21 mijë raste pati procedime hetimore vitin e kaluar. Dëmi i shkaktuar kapi shifrën e 375 milionë eurove. /Deutsche Welle/

Në trend Ekonomi

Më shumë
BERZH dhe ENEF II financojnë Ujë Rugove me 6 milionë Euro për linjat e reja prodhuese

BERZH dhe ENEF II financojnë Ujë Rugove me 6 milionë Euro për linjat e reja prodhuese

Korporata Rugove
Revolucionar në turizëm dhe arkitetur- Hoteli Epidamn White Sensation, Golem

Revolucionar në turizëm dhe arkitetur- Hoteli Epidamn White Sensation, Golem

Epidamn
Prishtina Real Estate Expo 2023 - Panairi i parë ndërkombëtar për pasuri të paluajtshme

Prishtina Real Estate Expo 2023 - Panairi i parë ndërkombëtar për pasuri të paluajtshme

Prishtina Real Estate EXPO
Çfarë po ndryshon për pensionistët në Gjermani?

Çfarë po ndryshon për pensionistët në Gjermani?

Botë
Fondi i Efikasitetit të Energjisë në Kosovë (FKEE) shpall thirrje për firma konsulete të energjisë në Kosovë

Fondi i Efikasitetit të Energjisë në Kosovë (FKEE) shpall thirrje për firma konsulete të energjisë në Kosovë

Ekonomi
Ministri Aliu: ​Ura e re e Rogovës po bëhet

Ministri Aliu: ​Ura e re e Rogovës po bëhet

Ekonomi
Kalo në kategori