Antonio Traversi ka mbetur i vdekur, pasi nuk mundi të aterronte si duhet në një pistë të aeroportit në Sao Paolotë Brazilit dhe aeroplani që po e drejtonte u përfshi nga flakët.

Ndihmësin e pilotit e nxorën të gjallë nga kabina, ndërsa po mbahet nën trajtim intensiv spitalor, pasi gjendja tij është mjaft e rëndë, transmeton Telegrafi.

Në anën tjetër, bashkëshortët që i përkasin një familje të pasur dhe i biri tyre 17 vjeçar, si dhe dy miq, janë larguar me shpejtësi prej bordit, andaj kanë pësuar lëndime pa pasoja për jetën.

Ende nuk dihen rrethanat, se si ndodhi aksidenti, si pasojë e së cilës fluturakja për shtatë udhëtarë u përfshi prej zjarri. Deri më tani, nuk ka të dhëna për ndonjë avari në sistemin e lëvizjes së aeroplanit, apo gjendjen shëndetësore të pilotit që e pësoi me jetë.

Zjarrfikësit e aeroportit e kanë izoluar me shpejtësi flakën, në mënyrë që të mos shkaktonte ndonjë dëm tjetër në pistë. /Telegrafi/