Gjashtë mënyra si ta bëni jetën bashkëshortore më emocionuese dhe përse më pak seks ndonjëherë është gjë e mirë

Përqafimi që zgjat 20 sekonda nxit oksitocinën, duke rritur në mënyrë masive ndjenjën tuaj të dashurisë dhe besnikërisë. Shtoni edhe aromën e partnerit prej 30 sekondash dhe do të prodhoni më shumë endorfinë sesa realisht keni pasur seks

Ekspertja e seksit dhe e lidhjeve, britanikja Kate Taylor, ka ndarë me lexuesit katër mënyra me të cilat në martesën e saj shmang monotoninë

Orari javor – për grindje

Hulumtimi, të cilin e ka bërë Universiteti Tennessee, ka zbuluar që çiftet të cilat grinden kanë dhjetë herë probabilitet më të lartë që të kenë martesë të lumtur nga ata të cilët vuajnë në heshtje.

Pra, çiftet më të lumtura janë ata të cilët grinden njëherë në javë.

Mirëpo, çiftet e lumtura janë grindur vetëm rreth problemeve të cilat kanë mundur t’i zgjidhin (p.sh. punët e shtëpisë apo shpenzimin e parave), ndërsa kanë shmangur grindjen rreth problemeve të cilat do të mund të ndikonin në vetëbesimin e partnerëve të tyre, siç janë shëndeti apo seksi, transmeton Telegrafi.

Shto dozën e ‘vitaminave’ bashkëshortit tënd

Sa më i shëndetshëm që të jetë ai, ajo është më e lumtur. Nëse e vëreni që ju ka mbetur edhe pak durim kur partneri juaj sëmuret, nuk jeni e vetmja.

Studimi i bërë nga revista ThJMF ka zbuluar që gratë kanë raportuar më shumë konflikte në martesë kur bashkëshortët e tyre kanë qenë të sëmurë.

Prandaj, mbani gjërat në harmoni në shtëpi duke u kujdesur për shëndetin e tij.

Përqafoheni gjatë

Përqafimi mesatar martesor zgjat vetëm tre sekonda të zymtë. Herën tjetër forconi shtrëngimin dhe qëndroni edhe 17 sekonda.

Përqafimi që zgjat 20 sekonda nxit oksitocinën (hormoni i lidhjeve), i cili qarkullon shpejt në trupin tuaj, duke rritur në mënyrë masive ndjenjën tuaj të dashurisë dhe besnikërisë. Shtoni edhe aromën e partnerit prej 30 sekondash dhe do të prodhoni më shumë endorfinë sesa realisht keni pasur seks.

Blini një shtrat më të ngushtë

Një studim që përfshin 1000 njerëz tregoi se sa më afër një çift të flejë në shtrat, aq më afër ndihen në jetë.

Distanca optimale për lumturinë martesore ishte vetëm dy centimetra e gjysmë nga njëra-tjetra.

Fjetja e përbashkët, përqafimi dhe përqafimi gjatë natës gjithashtu rritën kënaqësinë e marrëdhënies. Rreth 94 për qind e çifteve që kishin kontakte fizike gjatë natës thanë se ishin të lumtur në marrëdhënien e tyre, krahasuar me 68 për qind që ruanin hapësirën e tyre personale.

Darkë romantike për katër

Ftoni një çift tjetër në takimin tuaj dhe do të dyfishoni lumturinë tuaj martesore, sipas një studimi të vitit 2014.

Çiftet që shkonin në takime të dyfishta ndiheshin më të afërt dhe më të lidhur me partnerët e tyre sesa çiftet që refuzonin të ndajnë dashurinë, shkruan Sun.

Më pak seks

Më shumë seks a do ta bëjë martesën tuaj më të lumtur? Bashkëshorti juaj do të provojë t’ju bindë që është ashtu, mirëpo shkenca thotë jo. Realisht, numri ideal i ‘takimeve seksuale’ për mbajtjen e lidhjes suaj të lumtur është vetëm një herë.

Të kesh më pak se kaq mund të zvogëlojë kënaqësinë e partnerit me marrëdhënien dhe të bësh seks më shumë se një herë në javë nuk do të bëjë ndonjë ndryshim në marrëdhënie. /Telegrafi/