Gjashtë klube futen në ‘luftë ofertash’ për Isak – tri prej tyre nga Liga Premier

Alexander Isak raportohet se do të jetë objekt i një ‘lufte ofertash’ mes gjashtë klubeve gjatë afatit kalimtar veror. 

Ylli i Newcastle United është një ndër sulmuesit më të përfolur në botën e futbollit pas një sezoni fantastik me ‘Laraskat’. 

Deri më tani në sezonin 2024/2025, 25-vjeçari ka realizuar 21 gola dhe ka asistuar në pesë të tjerë në 30 ndeshje në të gjitha garat. 

Në Ligën Premier, më mirë se Isak (19) ka bërë vetëm Erling Haaland që ka realizuar 20 gola dhe Mohamed Salah që ka 25 sosh. 

Si rezultat i paraqitjeve të tij, Isak është lidhur me një largim nga Newcastle pas përfundimit të këtij sezoni.  

Siç ka raportuar e përditshmja katalanase Mundo Deportivo, Barcelona po synon që ta transferojë Isak si zëvendësues afatgjatë të Robert Lewandowski, i cili do të jetë 37 vjeç në gusht. 

Lexo po ashtu Arsenali do të detyrohet të shesë njërin prej yjeve, për të siguruar transferimin sensacional të verës

Sidoqoftë, blaugranasit mund të përballen me konkurrencë të madhe nga Arsenal, Liverpool, Manchester United, Bayern Munich dhe Paris Saint-Germain. 

Është sugjeruar se vetëm një ofertë në regjionin e 100 milionë eurove, mund ta bëjë Newcastle ta konsiderojë shitjen e suedezit./Telegrafi/