Gjashtë ide kreative se si të organizoni korridorin tuaj

Korridori në shtëpi është një hapësirë e nënvlerësuar seriozisht dhe shpesh e anashkaluar

Korridori krijon përshtypjen e parë të ambientit në shtëpinë tuaj, ndërsa kjo hapësirë duhet të jetë e organizuar mirë dhe e rregullt.

Pavarësisht nëse korridori juaj i hyrjes është më i vogël ose më i madh, më i errët ose më i shndritshëm, çdo korridor ka potencial të madh për rregullimin stilistik dhe ne ju prezantojmë me disa ide kreative se si mund ta organizoni atë, transmeton Telegrafi.

1. Stol me varëse

Stoli me jastëkë është vendi i përsosur për t’i mbathur këpucët, dhe sirtarët e integruar sipas shijes tuaj nën të janë një vend i mirë për të ruajtur këpucët. Për më tepër, varëset janë një vend i përshtatshëm për pallto, çanta shpine ose çanta dore. Rafti i sipërm ka hapësirë të mjaftueshme për të ruajtur çelësat, çantat, postën tuaj…

2. Dollap i varur për hapësira të vogla

Ky dollap jep hapësirë të mjaftueshme për të ruajtur të gjitha gjërat që përdorim çdo ditë.

3. Komodinë korridori

Ato nuk marrin shumë hapësirë, ato janë të mjaftueshme për gjërat më të nevojshme, dhe në treg ka komodina të stileve të ndryshme.

4. Shkallët minimaliste me grepa

Janë krijuar si një hapësirë ruajtjeje për gjërat më themelore që ju nevojiten kur dilni nga shtëpia.

5. Rishikim modern

Me një prapavijë reflektuese të një dollapi të hapur dhe ndriçim LED, do t’i japë korridorit tuaj organizimin e nevojshëm me një dozë të jashtëzakonshme elegance.

6. Përdorni qoshet e korridorit

Kjo pjesë nuk do të marrë shumë hapësirë në korridorin tuaj dhe do t’ju japë hapësirë të mjaftueshme për të ruajtur këpucët dhe palltot tuaja, madje edhe xhaketat e miqve tuaj.

/Telegrafi/