General Motors eksploron mundësinë e përdorimit të ChatGPT në veturat e saj

General Motors po eksploron përdorimin e ChatGPT si pjesë e bashkëpunimit të saj më të gjerë me Microsoft Corp, tha një ekzekutiv i kompanisë për Reuters.

“ChatGPT do të jetë në çdo gjë”, tha zëvendëspresidenti i General Motors, Scott Miller në një intervistë javën e kaluar.

Chatbot-i mund të përdoret për t’u qasur në fushën e informacionit se si të përdoren veçoritë e automjetit që zakonisht gjenden në manualin e pronarit, funksionet e programit si kodi i derës së garazhit ose për të integruar oraret nga një kalendar, deklaroi Miller, transmeton Telegrafi.

“Ky ndryshim nuk ka të bëjë vetëm me një aftësi të vetme si evolucioni i komandave zanore, por në vend të kësaj do të thotë që klientët mund të presin që automjetet e tyre të ardhshme të jenë shumë më të afta dhe më të freskëta në përgjithësi kur bëhet fjalë për teknologjitë në zhvillim”, tha një zëdhënës i General Motors të premten.

Lajmi u raportua fillimisht nga ueb-faqja “Semafor”, e cila tha se prodhuesi amerikan i veturave ishte duke punuar në një asistent personal virtual që përdor modele AI pas ChatGPT. /Telegrafi/