LAJMI I FUNDIT:

GDP e BE-së shënon rënie 3.2 për qind

GDP e BE-së shënon rënie 3.2 për qind

GDP e 27 vendeve anëtare të Bashkimit Evropian ra me 3,2 për qind në tremujorin e parë në krahasim me të njëjtën periudhë të vitit të kaluar, sipas vlerësimeve të fundit të Eurostat.

Eurostat kështu ka zbutur një vlerësim të mesit të majit se ekonomia e BE do të binte me 3.3 për qind në tre muajt e parë të këtij viti.

Në nivelin e eurozonës, GDP me 3.6 për qind të rishikuar në tremujorin e parë nga tre muajt e mëparshëm. Sipas një vlerësimi të majit, rënia ishte 3.8 për qind.

Kjo është rënia më e madhe në të dy fushat që nga 1995, thuhet në raport.

Në tremujorin e fundit të vitit të kaluar, GDP në BE dhe eurozonë u rrit me 0.1 për qind secila, sipas raportit të fundit.

Ndër vendet e Bashkimit Evropian të dhënat e të cilave ishin në dispozicion të Eurostat në baza tremujore rritje shënuan vetëm Irlanda me 1.2 për qind, Bullgaria dhe Rumania 0.3 për qind, dhe Suedia 0.1 për qind.

GDP e Francës dhe Italisë ra më së shumti mbi një bazë tremujore, me 5.3 për qind secili. Spanja dhe Sllovakia vijojnë me një rënie prej 5.2 për qind.

Në nivelin vjetor, rënia më e madhe e GDP-së është regjistruar nga Italia, me 5.4 për qind dhe Franca, me pesë për qind. Rritja më e lartë vjetore e GDP-së ishte në Irlandë, me 4.5 për qind.

Numri i të punësuarve në BE27 në tremujorin e parë të vitit 2020 shënoi rënie 0.1 për qind të rishikuar në bazë tremujore. Kjo është rënia e parë që nga tremujori i parë 2013, sipas Eurostat.

Në tre muajt e fundit të 2019, punësimi në BE u rrit me 0.2 për qind. Në eurozonë, numri i të punësuarve shënoi rënie me 0.2 për qind, sipas një vlerësimi në mes të majit. Ajo u rrit me 0.3 për qind në tremujorin e katërt.

Kjo është rënia më e madhe në numrin e të punësuarve në eurozonë që nga tremujori i dytë 2013. Në bazë vjetore, numri i të punësuarve u rrit në të dy fushat me 0.4 për qind të rishikuar. Në tremujorin e fundit 2019, punësimi në BE u rrit me 1 për qind dhe në eurozonë me 1.1 për qind, sipas llogaritjeve të Eurostat. /kp/Telegrafi/