150 studentë nga Universiteti al-Aksa i Gazës kanë festuar pasi u bënë gjenerata e parë që diplomohet atje që nga fillimi i luftës me Izraelin, gjatë të cilës i gjithë sistemi arsimor i territorit është sulmuar.
Pavarësisht shkatërrimit që ka gjymtuar arsimor të Gazës, ceremonia qëndroi si një simbol i shpresës, këmbënguljes dhe ndjekjes së palëkundur të dijes mes vështirësive të paimagjinueshme.
Ndryshe, lufta në Gaza është bërë një nga konfliktet më shkatërruese në historinë moderne të rajonit.
Pas sulmit fillestar të Hamasit ndaj Izraelit, që shkaktoi qindra viktima, ofensiva izraelite që pasoi ka lënë pas mijëra të vrarë palestinezë, shumica prej tyre civilë, si dhe një territor të shkatërruar pothuajse në tërësi.
Bombardimet e pandërprera kanë goditur jo vetëm objektivat ushtarake, por edhe infrastrukturën bazë — shkolla, spitale, ujësjellës dhe rrugë.
Sistemi arsimor është goditur rëndë: më shumë se dy të tretat e shkollave janë dëmtuar ose shkatërruar plotësisht, shumë prej tyre janë kthyer në strehimore për familjet e zhvendosura.
Universitetet, që dikur ishin qendra të dijes dhe debatit, tani janë rrënoja. /Telegrafi/
