Pothuajse 1/3 e grave amerikane të moshës 18-28 vjeç tani thonë se janë LGBTQ.
Sipas një ankete të fundit nga Gallup, 9.3 për qind e të rriturve amerikanë identifikohen si diçka tjetër përveç heteroseksualëve.
Ky trend kryesisht udhëhiqet nga Gjenerata Z, ku pothuajse një e katërta e të rinjve të moshës 19-28 vjeç e përshkruajnë veten si LGBTQ.
“Nuk mendoja se do të arrinim në 10 për qind kaq shpejt. Ende nuk jemi atje, por duket se mund të ndodhë për vetëm disa vite”, thotë CEO i Gallup, Jeff Jones.
Në mesin e brezave më të rinj, biseksualiteti është më i zakonshmi, veçanërisht tek gratë.
Sipas sondazhit, pothuajse një e treta e grave të Gjeneratës Z identifikohen si LGBTQ, krahasuar me 12 për qind të meshkujve të kësaj gjenerate.
Përqindja e personave transgjinorë mbetet e ulët, në 1.3 për qind në total, por Gjenerata Z spikat me 4.1 për qind.
Raporti tregon gjithashtu se identiteti ndryshon sipas përkatësisë politike: 14 për qind e demokratëve, 11 për qind e të pavarurve dhe 3 për qind e republikanëve identifikohen si LGBTQ.
Që nga viti 2012, kur Gallup filloi të masë këtë çështje, përqindja e personave LGBTQ në Shtetet e Bashkuara është pothuajse trefishuar. Në atë kohë, ajo ishte 3.5 për qind. /Telegrafi/
