Kosova, Polonia dhe Izraeli renditen në mesin e tifozëve më të mëdhenj të Amerikës, kanë treguar të dhënat e përpiluara nga “Gallup”.
Të dhënat vijnë nga një seri sondazhesh të kryera nga kompania e specializuar në anketa në më shumë se 130 vende, duke krahasuar vlerësimet e miratimit të lidershipit në ShBA, Kinë, Gjermani dhe Rusi. Kjo anketë vjen mes tensioneve të rritura midis ShBA-së dhe Kinës, si dhe luftës në Lindjen e Mesme dhe Ukrainës.
“Gallup” llogariti miratimin neto të lidershipit duke përdorur diferencën midis përqindjes që miraton dhe përqindjes që nuk e miraton udhëheqjen e një vendi për të kapur ndjenjën e përgjithshme që një popullatë ka për performancën e punës së një lideri global.
Përqindja më e madhe neto e miratimit të Shteteve të Bashkuara ishte në Kosovë. Qytetarët e kombit të Evropës Juglindore e shohin ShBA-në me +78, ka raportuar “Newsweek”.
Ambasadori i Kosovës në ShBA, Ilir Dugolli tha për “Newsweek” se “Përgjatë administratave të njëpasnjëshme, Shtetet e Bashkuara kanë mbajtur mbështetjen e palëkundur për ne, duke njohur aspiratat tona për zhvillim dhe integrim në komunitetin euroatlantik si një vend i lirë dhe i pavarur”.
“Por, më e rëndësishmja, përtej lidhjeve diplomatike, marrëdhënia mes Kosovës dhe Shteteve të Bashkuara është po aq e thellë. Kjo marrëdhënie lulëzon mbi një besim të përbashkët në vlerat demokratike. Populli i Kosovës i shikon Shtetet e Bashkuara si një fener të lirisë dhe demokracisë, duke nxitur një dashuri për Amerikën dhe popullin e saj që kapërcen brezat”, tha Dugolli, transmeton Telegrafi.
Jeffrey Hovenier, ambasadori i ShBA-së në Kosovë, tha për “Newsweek”se “Shtetet e Bashkuara janë krenare që kanë mbështetur popullin e Kosovës në avancimin e shtetit të tyre sovran, multietnik dhe demokratik”.
“Çfarë ka arritur populli kosovar në 25 vitet pas spastrimit brutal etnik të regjimi i Millosheviqit dhe në 16 vitet që nga pavarësia e plotë, nuk është asgjë më pak e jashtëzakonshme”, ka deklaruar Hovenier.
Izraeli dhe Polonia ishin të dytët dhe të tretët për si tifozët më të mëdhenj të ShBA-së, me një rezultat përkatësisht +66 dhe +59.
Nga ana tjetër, Rusia dhe Irani ishin vendet me miratimin më të ulët të ShBA-së, përkatësisht me -82 dhe -73.
Të dhënat e “Gallup” duket se tregojnë se ShBA-ja ka një avantazh veçanërisht të fortë në miratim kur një demokrat ulet në Shtëpinë e Bardhë.
Në vitin 2016, viti i fundit i Presidentit Barack Obama në detyrë, një kombinim prej 50 për qind e e vendeve të analizuara ishin të rreshtuara me ShBA-në deri në një farë mase (të kategorizuara nga “Gallup” si fort, dobët ose thjesht të rreshtuar).
Deri në vitin 2017, kur Presidenti Donald Trump ishte ulur në Zyrën Ovale, vetëm 14 për qind e vendeve e konsideruan veten të rreshtuar me ShBA-në pas rezultateve zgjedhore të një viti më parë.
Ky numër u rikthye pasi presidenti aktual Joe Biden mori detyrën dhe që nga viti 2023 miratimi pothuajse është kthyer në nivelet e vitit 2016, me 48 për qind të vendeve të rreshtuara pozitivisht./Telegrafi/
Promo
Reklamo këtuLufta Prigozhin - Putin
Më shumëRrëfimi i fotoreporterit që xhiroi largimin e forcave serbe nga Prizreni
Kurban Bajrami të dielën, BIK njofton se në sa ora falet namazi
Mbeti më shumë se gjysmë ore në ajër me aeroplanin e tij, Pacolli akuzon Autoritetin e Aviacionit Civil të Kosovës
"Trupin e recepsionistit do ta digjnim në furrë", dëshmi tronditëse për vrasjen në Dhërmi
Osmani takon zv/presidenten amerikane Harris: Mirënjohës për mbështetjen e palëkundur amerikane
Festa e Bajramit në prag, qytetarët ankohen për çmime të larta të kurbanëve
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Dikur ishin refuzuar, tani janë lojtarë kyç: Gjashtë yje, një shqiptar mes tyre që mund të shkëlqejnë në Euro 2024
Hehir: Deklarata e Hillit, shembulli i fundit i qëndrimeve të tija pro-serbe
Forcat ukrainase sulmojnë aeroportin ushtarak në Rusi
Ndeshja hapëse e Euro 2024 solli një risi në përdorimin e VAR – tifozët e duan atë edhe në Ligën Premier
Topi i goditur nga Wirtz përfundoi në portë me një shpejtësi marramendëse
Dukagjini Resort – Ky është projekti përrallor 80 milionësh që do ta transformojë këtë pjesë të Shëngjinit