Gabriel Jesus zgjedh “fenomenin” dhe dy lojtarët e Man Cityt në pesëshen e tij të ëndrrave

Gabriel Jesus ka emëruar dy lojtarë të Manchester Cityt në ekipin e tij të ëndrrave prej pesë lojtarësh, me treshen braziliane Roberto Firmino, Neymar dhe Ronaldo Nazario pjesë të ekipit.

Sulmuesi 26-vjeçar, i cili shënoi për liderët e Ligës Premier, Arsenalin në përballjen e tyre kundër Lutonit të martën mbrëma, ka luajtur së bashku me disa talent të mëdhenj për klubin dhe vendin.

Pasi përfundoi një transferim prej rreth 30 milionë eurosh te City në verën e vitit 2016, ai fitoi katër tituj të ligës së bashku me lojtarë si Kevin De Bruyne, Sergio Aguero dhe Fernandinho.

Në fakt, kur Jesusit iu kërkua të emëronte formacionin e tij të ëndrrave prej pesë lojtarësh në një intervistë të fundit me beIN Sports, sulmuesi emëroi mesfushorin Fernandinho së bashku me portierin Ederson.

Jesus, i cili nuk u lejua të zgjidhte asnjë lojtar të Arsenalit, zgjodhi gjithashtu bashkëkombësit brazilianë Neymar, Roberto Firmino dhe ‘Fenomenin’ Ronaldo për të kompletuar të ashtuquajturin ekipin e tij të ëndrrave.

Shoku i skuadrës së Arsenalit, Martin Odegaard iu bashkua Jesusit për intervistën dhe mesfushorit norvegjez iu kërkua gjithashtu të zgjidhte pesëshen e tij ideale.

Ai zgjodhi portierin legjendar italian Gianluigi Buffon përpara se të emëronte Sergio Ramos, Mesut Ozil, Eden Hazard dhe bashkatdhetarin Erling Haaland për të kompletuar ekipin e tij të ëndrrave. /Telegrafi/