“Future Nostalgia” i Dua Lipës është albumi më i dëgjuar i vitit 2020 në Spotify i një artisteje femër

Këngëtarja shqiptare me famë ndërkombëtare, Dua Lipa, është tashmë e njohur botërisht për sukseset e saj të vazhdueshme.

Këtë vit, ajo konvertoi punën e saj dy vjeçare në një album të titulluar “Future Nostalgia”, të cilin e publikoi në muajin mars të këtij viti.

Ky është albumi i dytë në karrierën e këngëtares, pjesë e të cilit janë shumë hite, këngë kryesisht të frymëzuar nga stili i muzikës në vitet 80’.

“Future Nostaglia” shkroi historinë sivjet duke u bërë albumi i parë i një artisteje femër që kryeson top listën e albumeve për dy javë rresht në Mbretërinë e Bashkuar.

Sukseset nuk ndalen këtu, pasi ky album po del të jetë albumi më i dëgjuar i vitit në platformën më të madhe të muzikës në botë, Spotify.

Lexo po ashtu Tre artistë shqiptarë të nominuar në eventin më të madh të ndarjes së çmimeve në Spanjë, Los40 Music Awards 2020

Kjo është e bërë e ditur nga një njoftim faqja e njohur e transmetimeve muzikore, Pop Base, të cilin më pas vet Dua e ka rishpërndarë me ndjekësit e saj në InstaStory.

“’Future Nostalgia’ nga Dua Lipa është tani albumi më i dëgjuar i një femre i vitit 2020 në Spotify me mbi 2.4 miliardë dëgjime”, thuhet në njoftim.

Ky është pa dyshim suksesi më i madh i shënuar ndonjëherë nga ndonjë artist shqiptar, teksa kujtojmë që po në listën e pesë albumeve më të dëgjuara këtë vit të artisteve femra – në vendin e tretë renditet një tjetër shqiptar.

Lexo po ashtu Albumi i Ava Max renditet si albumi i tretë më i dëgjuar i një artisteje femër sivjet në Spotify

Albumi “Heaven and Hell” i këngëtares me origjinë nga Shqipëria renditet i treti në listën e albumeve më të dëgjuara të artisteve femra në Spotify këtë vit. /Telegrafi/