Fury nuk mendon për rekordin pa humbje të Wilder, thotë se kishte kundërshtarë të lehtë

Tyson Fury ka thënë se nuk mendon shumë për rekordin pa humbje të Deontay Wilder.

Boksieri amerikan i ka fituar të gjithë 40 duelet e tij që nga nëntori i vitit 2008 kur u përfshi në boksin profesionist.

Më 1 dhjetor 2018 (e shtunë), Wilder do ta mbrojë titullin e tij WBC në kategorinë e peshave të rënda, kundër boksierit britanik.

Lexo po ashtu Lajmet për Tyson Fury

Fury është i bindur se do t’ia shkaktojë 33-vjeçarit humbjen e parë profesionale dhe do ta fitojë të vetmin titull që i ka mbetur.

“Gjashtë ndeshjet e tij të fundit janë të vetmet që kanë rëndësi”, ka deklaruar Fury për BT Sport.

“(Bermane) Stiverne, një kundërshtar i lehtë që ishte i moshuar dhe i përfunduar. Johann Duhaupas një francez që nuk ka aftësi, por përpiqet shumë. Wilder nuk e lëndoi asnjëherë gjatë duelit”.

“Eric Molina, një arsimtar skolle që ishte me fat – (Wilderit) iu deshën nëntë raunde për ta mposhtur. Artur Szpilka që i ka humbur të gjitha ndeshjet me nokaut; me pak lëvizje i shkaktoi probleme”.

“Gerald Washington, një futbollist me pak goditje; i shkaktoi probleme për pesë raunde derisa u rrëzua – megjithatë nuk ishte boksier”.

“Pastaj ishte (Luis) Ortiz, i cili duke harruar moshën e tij, ishte njeri i mirë, por e dimë se koha e të qenit prind na kap të gjithëve”, ka shtuar 30-vjeçari.

Fituesi i duelit ndërmjet Wilder dhe Fury do të ketë gjasa reale për t’u ndeshur me kamponin e unifikuar të WBA, IBF, IBA dhe WBO, Anthony Joshua, i cili po ashtu do të zhvillojë një meç në muajin prill të vitit të ardhshëm. /Telegrafi/