Gabriel Jesus mund të rikthehet në mënyrë të papritur në vendlindjen e tij këtë verë, pasi Flamengo po përgatit një lëvizje ambicioze për ta huazuar sulmuesin e Arsenalit.
Sipas raportimeve nga RTI Esporte, Flamengo ka bërë kontaktet e para me Jesus dhe po eksploron mundësinë e transferimit të 28-vjeçarit, i cili raportohet se ka dhënë dritën jeshile për një kalim të mundshëm.
Gjigantët brazilianë planifikojnë të ofrojnë fillimisht një huazim, ku do të mbulojnë 50 për qind të pagës së lojtarit, ndërsa pjesa tjetër do të mbulohej nga Arsenal.
Jesus aktualisht është i dëmtuar pas një lëndimi në ligamentin egjurit (ACL), të pësuar në janar, por është i vetëdijshëm se ardhja e Viktor Gyokeres te Arsenali mund të ndikojë në pozitën e tij në skuadër.
Për shkak të historikut të tij me dëmtime, Jesus mund të mbetet pas Kai Havertz në renditjen e sulmuesve dhe mund të përballet me mungesë minutash në një vit vendimtar përpara Kupës së Botës 2026.
Jesus e nisi karrierën e tij profesionale me Palmeiras, klub që më herët kishte shprehur interes për rikthimin e yllit të tyre të dikurshëm.
Sipas Sport Witness, lidhjet emocionale të Jesus me Palmeiras mund të paraqesin një pengesë në negociatat me Flamengo.
Ndërsa vazhdon rikuperimin nga dëmtimi i rëndë, Jesus duhet gjithashtu të marrë një vendim për të ardhmen e tij, përpara se t’i mbyllet mundësia për të gjetur minuta të rregullta në futbollin brazilian./Telegrafi/
