LAJMI I FUNDIT:

Ftohen lojtarët pa minuta në këmbë, ndërsa injorohet Lenjani – Panuccin si duket nuk e kanë bindur tre golat dhe shtatë asistimet e Ermirit

Ftohen lojtarët pa minuta në këmbë, ndërsa injorohet Lenjani – Panuccin si duket nuk e kanë bindur tre golat dhe shtatë asistimet e Ermirit
Ermir Lenjani. (Foto: Alex Livesey/Getty Images/Guliver)

Trajneri i Kombëtares së Shqipërisë, Christian Panucci ka publikuar listën e lojtarëve të grumbulluar për dy ndeshjet e radhës.

Shqipëria do të përballet me Turqinë dhe Andorrën në fillimin e kampanjës kualifikuese për Euro 2020.

Befasia më e madhe është se trajneri i kuqezinjve nuk e ka ftuar njërin nga lojtarët më në formë të Shqipërisë, Ermir Lenjanin.

29-vjeçari është duke kaluar nëpër një formë të mrekullueshme me Sionin në elitën e futbollit zviceran.

Lenjani ka zhvilluar 19 takime mes kampionatit dhe Kupës së Zvicrës, ku ka shënuar tre gola dhe ka bërë shtatë asistime.

Ermir Lenjani. (Foto: Shaun Botterill/Getty Images/Guliver)

Këto shifra nuk e kanë bindur si duket trajnerin italian, që në vend të tij ka grumbulluar Egzon Binakun dhe Naser Aliun.

Binaku është një mbrojtës rezervë te Malmo, ku në vitin 2019 ka luajtur vetëm një ndeshje në Kupën e Suedisë për Malmon.

Panucci e lë jashtë listës, Lenjani: Çuditërisht nuk jam ftuar nga Kombëtarja
Lexo po ashtu Panucci e lë jashtë listës, Lenjani: Çuditërisht nuk jam ftuar nga Kombëtarja

Ndërkohë lojtari tjetër i grumbulluar për pozitën e mbrojtësit të majtë është Naser Aliji që ka filluar të luaj në Rumani te Dinamo Bukureshti pas gjashtë muajve pa klub.

Lenjani ka dhënë një kontribut të madh për Kombëtaren shqiptare nga viti 2013 kur ishte grumbulluar për herë të parë, duke qenë ndër lojtarët më meritorë që dërgoi Shqipërinë në kampionatin evropian, por kjo gjë si duket është harruar nga Panucci.

Ermir Lenjani gjatë ndeshjes ndaj Zvicrës në EURO 2016. (Foto: Shaun Botterill/Getty Images/Guliver)

Mbrojtësi i majtë ka zhvilluar 27 ndeshje me Kuqezinjtë duke shënuar edhe tre gola, pasi ishte lojtari kryesor i trajnerit Gianni De Biasi.

Që nga ardhja e trajnerit italian, Lenjani është injoruar keq nga Panucci pasi e ka aktivizuar vetëm në tri ndeshje nga 14 të mundshme.

Panucci ka grumbulluar lojtarë pa minuta edhe në pozitën e mesfushës, siç është rasti i Andi Lilës, para talenteve si Keide Bare e Emanuele Ndoj që po kalojnë nëpër formë të lartë. /Telegrafi/

Në trend Sport

Më shumë
Për tre muaj, 50 baste: Publikohet videoja ku Tonali mezi pret të ndëshkohet me karton të verdhë

Për tre muaj, 50 baste: Publikohet videoja ku Tonali mezi pret të ndëshkohet me karton të verdhë

Premier League
Reagon babai i Olti Hysenit, pas deklaratës 'bombastike' të lojtarit të talentuar

Reagon babai i Olti Hysenit, pas deklaratës 'bombastike' të lojtarit të talentuar

Përfaqësuesja e Kosovës
Zbulohet emri i vërtetë i Kylian Mbappes - ka lënë të shokuar fansat e tij

Zbulohet emri i vërtetë i Kylian Mbappes - ka lënë të shokuar fansat e tij

Ligue 1
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Një minutë në fushë kushton 2 milionë euro – dështimi më i madh i Chelseat nga blerjet e fundit

Një minutë në fushë kushton 2 milionë euro – dështimi më i madh i Chelseat nga blerjet e fundit

Premier League
Kalimi te Real Madridi nuk ka të bëjë me paratë: Zbulohet pasuria neto e Kylian Mbappes

Kalimi te Real Madridi nuk ka të bëjë me paratë: Zbulohet pasuria neto e Kylian Mbappes

Ligue 1
Kalo në kategori