Konstituimi i Kuvendit i cili u bë gjatë ditës së djeshme, vetëm sa thelloi paqartësitë për krijimin e Qeverisë së re.
Kjo ndodhi për shkak se askush nuk e kishte menduar më parë se kryetari i Kuvendit do të zgjidhej nga radhët e Vetëvendosjes, pasi që gjatë takimeve që ky subjekt zhvilloi me LDK-në është thënë se kjo pozitë do t’i takonte kësaj të fundit.
Pavarësisht kësaj, sipas Kushtetutës, presidenti i Kosovës, Hashim Thaçi pas konstitumit të Kuvendit, të premten i dërgoi dy ftesa kryetarit të Lëvizjes Vetëvendosje, Albin Kurti për ta caktuar mandatarin për formimin e Qeverisë.
Dy ftesat që Thaçi ia adresoi Kurtit, nuk rezultuan me realizimin e takimit mes tyre. Në ftesën e parë, presidenti Thaçi e kishte ftuar për një takim në orën 13:30, liderin e LVV-së, Albin Kurti.
Por nga partia e Kurtit thanë se “zotëri Kurti e ka të pamundur ta takoj sot presidentin, meqë ndodhet jashtë Prishtinës. Ai do ta njoftojë së shpejti presidentin për ditët e orët e mundshme të takimit”.
Më pas presidenti Thaçi, përmes ftesës së dytë tentoi të zhvillojë një takim me Kurtin në orën 20:00, por as ky takim nuk ndodhi.
“Unë u bëj thirrje të gjithëve që të mos e vonojnë krijimin e qeverisë. Njerëzit dhe aleatët tanë presin më shumë”, shkroi Thaçi.
Pas kësaj erdhi edhe përgjigjja e Albin Kurtit rreth ftesave të presidentit. Përmes një letre që Kurti i kishte dërguar gjatë ditës Hashim Thaçit, lideri i LVV-së i kishte treguar se e ka të pamundur të zhvillojë takim sot.
“Ju faleminderit për dy ftesat e sotme që të takohemi sot, ftesa këto që fillimisht publikoheshin nëpër portale pastaj mbërrinin në zyrën tonë. Sot isha jashtë vendit. Nuk do të mund të vij as sonte. Për t’u konsultuar për caktimin e mandatarit për formimin e Qeverisë, takohemi gjatë ditëve në vijim. Ndërkohë po i shqyrtoj këto nenet që i keni përmendur në dy letrat tuaja”, thuhej në letrën e Kurtit dërguar Thaçit.
Në orët e mbrëmjes Kurti u shfaq në Prishtinë, në një organizim që subjekti i tij kishte bërë me mediat për fundvit.
I pyetur nga gazetarët se përse nuk shkoi në takim me presidentin Thaçi, Kurti tha se: “agjenda e krerëve të shtetit është shumë e ngjeshur. Prandaj, nuk mund të takohemi ashtu, përveç kur ka ndonjë fatkeqësi ose ndonjë urgjencë tjetër”.
Që nga përfundimi i zgjedhjeve të parakohshme parlamentare të 6 tetorit kur kishin filluar edhe negociatat për bashkëqeverisje ndërmjet Lëvizjes Vetëvendosje dhe Lidhjes Demokratike të Kosovës që dolën të parat, është thënë se posti i kryetarit të parlamentit do t’i takojë Lidhjes Demokratike të Kosovës.
Pas seancës konstituive të Kuvendit, të premten dy partitë që synojnë formimin e qeverisë, Lëvizja Vetëvendosje dhe Lidhja Demokratike e Kosovës zgjedhon të heshtin.
Ndërkaq nuk është raportuar as për ndonjë nismë të re për vazhdimin e bisedimeve.
Duke iu referuar zgjedhjes së kryetarit dhe kryesisë së re të Kuvendit, lideri i Lidhjes Demokratike të Kosovës, Isa Mustafa ka thënë për mediat lokale se këto vendime në Kuvend e kanë kthyer në fillim procesin e negociatave ndërmjet Vetëvendosjes dhe LDK-së për formimin e Qeverisë.
Në anën tjetër, lideri i Vetëvendosjes Albin Kurti, në paraqitjen e tij para mediave pas konstituimit të Kuvendit, e kishte cilësuar si vendim krejt normal zgjedhjen e kryetarit të Kuvendit, ngase sipas tij, Vetëvendosje nuk preferon zvarritjen e formimit të institucioneve të reja. /Telegrafi/
Lufta Prigozhin - Putin
Më shumëNga Rubrika
Hamza: Jam më i mirë se Kurti në qeverisje, kam përvojë më shumë se Abdixhiku – Haradinaj s’do të jetë kryeministër
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia
Gjendet e vdekur një grua në Obiliq, policia jep detaje
Pse Mali i Zi votoi kundër Kosovës në KiE, flet Dritan Abazoviq
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia
Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët
Tha se ditë të vështira e presin Serbinë, Vuçiq: Nesër ose pasnesër i merrni përgjigjet
Limaj: Nuk duhet të shkojmë në zgjedhje kur dëshiron Kurti
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes