Fotografi kap momentin kur aeroplanët britanikë “gjenden tepër afër njëri-tjetrit” – por nuk doli ashtu siç dukej

Një fotografi e mahnitshme ka kapur momentin kur dy aeroplanë të RAF (Forca Ajrore Mbretërore e Mbretërisë së Bashkuar) duket se afrohen tepër njëri-tjetrit gjatë një stërvitjeje ushtarake.

Sipas mediave britanike, përcjell Telegrafi, fotografia u bë ndërsa dy pilotët kryen manovrat e tyre deri në 5,500 metra lartësi në qiell mbi West Pinchbeck, Lincolnshire.

Megjithatë, një burim i Ministrisë së Mbrojtjes (MM) ka sqaruar se nuk kishte “afërsi të rrezikshme” dhe se fotografia ishte një iluzion optik i shkaktuar nga këndi i kamerës.

Një zëdhënës i Ministrisë së Mbrojtjes tha: “Aeroplanët luftarakë të RAF praktikojnë luftime ajër-ajër në baza të rregullta për të siguruar që pilotët tanë të kenë aftësitë përkatëse për operacionet luftarake globale”.

Fotoja thuhet se është bërë nga Anthony Helcoop, një fotograf nga Spalding, Lincolnshire, rreth orës 17:00 të së enjtes.

Fotografi tha se ai sheh rregullisht aeroplanët nga RAF Coningsby duke ushtruar – por se ky incident dukej “shumë më ndryshe”.

“Ata dukej se u afruan shumë në këtë rast”, citohet të ketë thënë ai.

“I shpërndava fotot në internet dhe njerëzit thjesht nuk mund ta besojnë se isha kaq me fat që e pata atë moment në kamera. Unë nuk jam një fotograf i trajnuar profesionalisht, e bëj vetëm si hobi, kështu që kam qenë në vendin e duhur në kohën e duhur”. /Telegrafi/