Superliga e ka mbyllur javën e 10-të me ndeshje tejet interesante, ku nuk munguan edhe fitoret e mysafire, por edhe ankesat në gjykim.
Gjilani fitoi ndaj Feronikelit si mysafirë (2-1), ndërsa Drita e mposhti Ballkanin duke e rrëzuar nga froni (2-0).
Prishtina fitoi si mysafir i Ferizajt (2-0), ndërsa Llapi triumfoi në shtëpi ndaj Trepçës ’89.
Dukagjini e ka marr fitoren e dytë sezonale duke e mposhtur Vushtrrinë (1-0), ndërsa Flamurtari dhe Drenica e kanë mbyllur ndeshjen në barazim.
Telegrafi ka zgjedhur më të dalluarit e javës duke i futur në një formacion.
Portier
Ndoshta është portieri më në formë këtë edicion. Kenan Haxhihamza edhe njëherë tregoi se është nj nga pikat më të forta të Gjilanit, duke bërë pritje të jashtëzakonshme ndaj Feronikelit.
Në të djathtë vendoset Ardian Limani që pati paraqitje të mirë ndaj Ballkanit në qendër dyshja ‘heroike’ e Gjilanit, Franc Veliu dhe Ylber Kastrati që shënuan të dy gola.
Në të mjatë tjetër golashënues, Benjamin Emini i Llapit, që në ndeshjet e fundit luajti si mbrojtës i djathtë.
Mesfusha
Qemail Elshani i Drenicës ishte lojtari që prodhoi më së shumti për Drenicë ndaj Flamurtarit, por fati nuk ishte me të. Po ashtu një vend në mesfushë e fiton edhe Lorik Boshnjaku që tregoi paraqitje shumë të mirë ndaj Ferizajt.
Më të avancuar janë Meriton Korenica, Altin Merlaku dhe Izair Emini, që të tre vendimtarë në fitoret e skuadrave të tyre.
I vetëm është Labinot Osmani. Sulmuesi i njohur kthehet protagonist pas nj kohe, duke shënuar dy herë.
Edhe pse Superliga është forcuar dukshëm, kjo nuk i bën përshtypje ‘Labit’ dhe specialiteti i tij mbeten golat.
Trajneri i javës
Kjo shkon për Gentian Mezanin e Gjilanit. Një fitore e madhe si mysafir ndaj kampionat aktual, në një ndeshje që ishte në disavantazh.
Madje skuadra e tij vuajti edhe nga disa episode, siç ishte një penallti e pa dhënë, por shumë e komentuar. /Telegrafi/
Formacioni
