Ford ka prezantuar gjeneratën e 7-të të Mustang me shenja vizuale për të dalluar versionin GT dhe EcoBoost

Prodhuesi i veturave me bazë në SHBA, Ford ka prezantuar veturën krejtësisht të re sportive Mustang të gjeneratës së 7-të, gati 60 vjet pas debutimit të saj, për adhuruesit e veturave sportive në mbarë botën.

Gjatë ngjarjes së lansimit, kompania tha “gjenerata e 7-të është më emocionuese dhe më e brendshme, nga kabina e saj digjitale e frymëzuar nga avionët luftarakë te motorët e rinj të avancuar me turbocharge dhe aspirim natyral, deri te dizajni i saj i jashtëm më i ashpër, por i përjetshëm”.

Jim Farley, drejtori ekzekutiv i Ford Motor Company deklaroi “Investimi në një gjeneratë tjetër është diçka e qartë për këtë kohë pasi shumë nga konkurrentët tanë po largohen nga biznesi i makinave me djegie të brendshme”, raporton Business Today, transmeton Telegrafi.

Mustang-u i gjeneratës së fundit të Ford, i cili për herë të parë u prezantua në Panairin e Veturave Detroit 2022, është gjithashtu në mesin e veturave të pakta të cilat mbetën në shitje që nga prezantimi në vitin 1964 dhe ka arritur që të shes mbi 10 milionë modele deri më tani.

Ford gjithashtu pretendoi se Mustang është “coupe-ja” sportive më e shitur gjatë 7 viteve të fundit, të cilën e pason rivali Chevrolet Camaro.

Farley ndër të tjera shtoi: “Megjithatë Ford, po shkon drejt planit në ngritje ICE, duke shtuar teknologji të lidhur, derivate të opinionit dhe opsione hibride në makinat tona më fitimprurëse dhe më të njohura – të gjitha në familjen Ford Blue – në krye të investimit prej afro 50 miliardë eurove në automjete elektrike. deri në vitin 2026”. /Telegrafi/