Kryeministri i Kosovës, Albin Kurti, ka njoftuar se ka themeluar Fondin e Sigurisë, duke ftuar qytetarët e Kosovës dhe bashkatdhetarët tanë në diasporë por edhe donatorë të tjerë të kontribuojnë për sigurinë shtetërore.
Kryeministri i Kosovës, Albin Kurti, ka thënë se ky fond është themeluar bazuar në nevojat e Forcës së Sigurisë së Kosovës, “situatës aktuale dhe pas konsultimeve me partnerët ndërkombëtarë”.
Nuk ka shkuar shumë kohë dhe tashmë kanë filluar të jepen donacionet e para për të forcuar sigurinë shtetërore.
Njohës të fushës së sigurisë në Kosovë dhe analistë, kanë shprehur mendime të ndryshme në “Debat Plus” me Ermal Pandurin në RTV Dukagjini sa i përket nevojës se a është dashur themelimi i këtij fondi.
Eksperti i sigurisë, Shkëlzen Sopjani thotë se Fondi i Sigurisë nuk e zëvendëson buxhetin e shtetit për ushtrinë, por sipas tij ai është i mirëseardhur.
“Ky fond do të duhet të bëhej i obligueshëm me ligj në të ardhmen. Gjermania e ka pasur një ligj që qytetarët kanë dhënë rreth 5% të pagës për ringritje të vendit. Jemi në një fazë kritike të sigurisë dhe Kosovës do t’i shtohen dita-ditës shpenzimet për sigurinë”, deklaroi Sopjani.
Kreshnik Gashi nga BIRN thotë se shteti fokusin do të duhej ta kishte në zbutjen e evazionit fiskal, në mënyrë që këto fonde të ridrejtohen për mbrojtje.
“Shteti dështon në një masë të madhe në mbledhjen e të hyrave. Nuk jam kundër donacioneve që japin njerëzit për fuqizimin e shtetit. Kosova brenda vitit humb rreth 400 milionë euro nga ekonomia e zezë. Sot do të ishte partiotike që të kërkohej kupon fiskal për çdo blerje. Me këto të ardhura nuk do të kishim problem në financimin e ushtrisë”, deklaroi Gashi.
Ai thotë se Kosova ka vetëm 400 ushtarë derisa sipas tij tjerët janë për operacione tjera.
Deputeti i LVV-së, Enver Dugolli thotë se tani është momentumi që të forcohet ushtria e Kosovës.
“Ne kemi paraparë qysh moti se duhet themeluar një fond për mbrojtjen pasi buxheti nuk mund të plotësojë të gjitha nevojat…Rrethanat kanë ndryshuar. Ato nuk janë të njëjta as para dy javëve e lëre më siç ishin para një viti. Vendimi për këtë fond është mirë i studiuar”.
Nga ana tjetër analisti Dardan Gashi thotë se Kurti e ka në dorë që të ndajë 3 miliardë euro për ushtri.
“Kurti po e ndanë përgjegjësinë me popullin…Me paratë e fondit nuk mund të blihen armë sepse s’na lejon ligji. Kjo është propagandë e Kurtit pasi nuk ki të drejtë të blesh armë e nuk ki as njerëz”, deklaroi Gashi.
Ish oficeri ushtarak, Fadil Demiri thotë se pavarësisht që është për t’u vlerësuar që Qeveria Kurti ka arritur ta çojë në 100 milionë euro buxhetin e ushtrisë, sipas tij është i pamjaftueshëm në këtë fazë.
Ai ka treguar se çfarë armë ka të drejtë të blejë Kosova.
“Është një plan se çfarë lloj arme do të blihen. Ne jemi duke ndërtuar një ushtri me aftësi mbrojtëse. Armët për ushtri mbrojtëse janë kundërajrorët, kundërtanket, sistemet e komunikimeve, radarët, dronët etj. Të gjitha këto pajisje nuk është se kushtojnë qindra miliarda. Duhet shfrytëzuar momentumi dhe bashkë me partnerët ndërkombëtarë të na lejojnë t’i blejmë edhe pajisjet që deri më tani i kemi pasur të ndaluara…Droni është parimisht armë mbrojtëse, por ai mund të përdoret edhe për sulm”, deklaroi tutje Demiri./Telegrafi/
Lufta Prigozhin - Putin
Më shumë"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Çitaku: Rezultati i zgjedhjeve të përgjithshme do të jetë befasues
Rashiq për stërvitjet ushtarake serbe: Duan vetëm t’i tregojnë muskujt
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre