Fondi Rajonal i Sfidave (RCF) shpalli Thirrjen e Tretë për Shprehje Interesi dhe fton për të aplikuar konsorciumet e interesuara të instituteve të formimit profesional dhe sipërmarrjeve nga të gjitha vendet dhe sektorët ekonomikë të Ballkanit Perëndimor 6 (WB6), të përkushtuara për përgatitjen dhe zbatimin e përbashkët të programeve të trajnimit bashkëpunues. Afati për dorëzimin e aplikimeve mbyllet në 7 Korrik 2023, ora 23:59.
Shprehjet e interesit mund të dorëzohen nga konsorciume të Arsimit dhe Formimit Profesional (AFP) të formuara nga institutet e formimit dhe trajnimit profesional dhe të paktën dy sipërmarrje që angazhohen së bashku në ofrimin e trajnimeve bashkëpunuese.
Më shumë informacion mbi pranueshmërinë e aplikantëve, kriteret dhe procedurat e aplikimit që duhen ndjekur si dhe informacione të tjera të rëndësishme mund të gjenden në Udhëzimet për Thirrjen e Tretë për Shprehjen e Interesit të disponueshme këtu.
Orari i sesioneve informuese online të planifikuara gjatë muajit Qershor mund të gjendet këtu.
Ministria Federale Gjermane për Bashkëpunim Ekonomik dhe Zhvillim (BMZ) ka financuar 64.43 milion Euro per RCF, ndërsa Qeveria Zvicerane, e përfaqësuar nga Bashkëpunimi Zviceran për Zhvillim (SDC) ka bashkëfinancuar 9.7 milionë CHF. Fondet i janë mandatuar Bankës Gjermane për Zhvillim KfW dhe zbatohen nga Forumi i Investimeve i Dhomave të WB6 (WB6-CIF), një nismë e përbashkët e dhomave të tregtisë nga rajoni.
Në raundin e parë dhe të dytë të aplikimeve u paraqitën më shumë se 300 Shprehje Interesi nga të gjitha vendet e WB6. Procesi i përzgjedhjes rezultoi në miratimin e 63 projekteve për financim, duke alokuar rreth 27 milionë euro për investime në pajisje,infrastrukturë dhe trajnime për ofruesit e arsimit dhe formimit profesional dhe ndërmarrjet partnere.
Thirrja u promovua në Konferencën Vjetore Rajonale të Fondit Rajonal të Sfidave më 30 Maj, ku u diskutuan tendencat dhe sfidat e fundit në zhvillimin e kapitalit njerëzor në WB6, si dhe tema të tilla si tërheqja e studentëve në programet e arsimit dhe formimit profesional bashkëpunues (AFP ), inovacioni dhe digjitalizimi në AFP, dhe aktivitetet Green per AFP-në për rritjen e punësimit.
“Ne besojmë se nëpërmjet RCF-së, do të jemi në gjendje të gjejmë një mënyrë efektive për të përmirësuar kushtet e AFP-së si dhe për të ofruar mundësi të barabarta punësimi për të rinjtë nga rajoni, veçanërisht për gratë e reja, për të marrë të ardhmen e tyre në duart e tyre.” – deklaroi gjatë Konferencës Vjetore Rajonale Znj. Heike Backofen-Warnecke, Shefe Divizioni për Europën Juglindore dhe Lindore dhe Kaukazin Jugor, në Ministrinë Federale për Bashkëpunim Ekonomik dhe Zhvillim.
Lulzim Rafuna, President i Bordit Drejtues të WB6 CIF, deklaroi: “RCF po kontribuon duke fuqizuar ofruesit e trajnimeve për të rritur aftësitë e punëtorëve sipas nevojave të biznesit në sektorët përkatës, që është dhe kontributi më i madh që mund të japim për shoqërinë me përfitime afatgjata për të gjithë WB6”.
Derek George, Zëvendës Shefi i Bashkëpunimit, në Ambasadën Zvicerane në Serbi dhe SDC, deklaroi: “SDC promovon qasje të ndryshme të trajnimit bashkëpunues në të gjithë Ballkanin Perëndimor, me një tipar të përbashkët: bashkimin e palëve të interesuara, publike dhe private, për të forcuar rëndësinë e tregut të punës dhe cilësinë e aftësive të dhëna, për t’u ofruar të rinjve aftësitë që u nevojiten për të hyrë në tregun e punës. Bashkëpunimi midis Gjermanisë dhe Zvicrës, të cilët bashkëthemeluan Komitetin e Donatorëve për AFP-në e dyfishtë, vjen natyrshëm, pasi ne ndajmë të njëjtat objektiva.”
Fondi Rajonal i Sfidave (RCF) është një strukturë financimi e krijuar për të rritur punësueshmërinë e të rinjve. RCF forcon konkurrueshmërinë e sipërmarrjeve në 6 vendet e Ballkanit Perëndimor duke financuar investime në pajisje dhe infrastrukturë për projekte të përzgjedhura të trajnimit bashkëpunues, të zbatuara përmes partneriteteve midis institucioneve të formimit profesional dhe sipërmarrjeve. Grantet alokohen nëpërmjet një sfide konkurruese rajonale.
Për çdo pyetje të mëtejshme mos ngurroni të kontaktoni përfaqësuesin e RCF, Z. Renato Vasili në renato.vasili@rcf-wb6.org.
Lufta Prigozhin - Putin
Më shumëDënohet me 25 vjet burg mashtruesi më i madh me kriptovaluta në SHBA
Po lulëzojnë ofertat n’BAU MARKET
Afër detit, afër mbretit - Mbreti i "Holiday In 2" po t'fton në fron
Mustafa, Rrustemit: U mundove me thanë që LVV e pa korruptuar, por kryeshefi i KEK-ut që e keni emëruar u arrestua për korrupsion e kontrata njëburimore
Si t’i japim vlerë partneritetit në biznes?
Kontratat njëburimore, Tahiri përplaset me Kusari-Lilën: Dëgjoni, mos u bëni të pasjellshëm
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes