Është e mbushur me njerëz të dashur rreth vetes, shumë dashuri, suksese të panumërta në karrierë dhe edhe më shumë, mirëpo Jane Fonda nuk e ka menduar jetën e saj kështu.
“Nuk kam besuar se do të arrija moshën 30 vjeçare. Nuk kam menduar se do të jetoja kaq gjatë dhe kam pritur se do të vdisja e vetmuar dhe me ndonjë varësi”, ka thënë ajo për People.
(Foto: Getty Images)
Fituesja e dyfishtë e çmimit Oscar, tash 80 vjeçare, ka vazhduar në këtë intervistë tutje reflektimin mbi jetën e saj, transmeton Klan Kosova.
“Nuk kam besuar se nëse do të jetoja kaq gjatë, do të isha e shëndetshme, energjike dhe akoma duke punuar. Jam mirënjohëse”, është shprehur ajo.
Me kaq shumë eksperiencë jetësore, Fonda ka disa këshilla kur vjen puna te dashuria.
(Foto: Getty Images)
Jane ka tre ish-bashkëshortë derisa së fundmi ka përfunduar edhe lidhjen e saj të dashurisë tetëvjeçare me Richard Perry.
“Dëshiron të të vlerësojnë, dëshiron të jesh e sigurt, dëshiron të të duan. Nëse nuk vlerësohesh, ndihesh e sigurt, ndjen dashuri… thjesht largohu nga kjo lidhje”, ka theksuar aktorja.
