LAJMI I FUNDIT:

Flet pejani me HIV/AIDS: U infektova me gjakun që ma dhanë gjatë operacionit (Video)

Flet pejani me HIV/AIDS: U infektova me gjakun që ma dhanë gjatë operacionit (Video)

Mentori (emri i njohur për redaksinë), është 62-vjeçar. Ai është nga qyteti i Pejës dhe tash e 21 vjet, që më 1996, jeton me virusin HIV/AIDS. Për Radion Evropa e Lirë, ai tregon se si është infektuar me këtë virus.

“Jam operuar në një spital në Spanjë, ku edhe kam qëndruar për tre muaj. Dyshohet se aty edhe e kam marrë këtë virus pasi që në vitin 1995 nuk e kanë testuar gjakun të cilin unë e kam marrë të infektuar”, tregon Mentori.

Jeta më sëmundje është e vështirë, aq më vështirë të jetosh me HIV/AIDS në Kosovë, ku njerëzit e kësaj kategorie ndihen të stigmatizuar.

“Unë jetoj normalisht. Shumica e njerëzve nuk e dinë që jam i infektuar. Bëj shumë sport, pasi ky virus kërkon aktivitet për shkak se terapia është shumë e rëndë. Por, me ushtrime fizike i mbron veshkat dhe mëlçinë. Unë merrem me alpinizëm më së shumti. Deri 20 kilometra në ditë eci”, thotë Mentori.

Në Kosovë, që nga viti 1986 kur ishte identifikuar rasti i parë, sipas shënimeve të Klinikës infektive me virusin HIV/AIDS janë prekur rreth 160 persona. Prej tyre janë 30 persona të cilët marrin terapi. E, terapia, të cilën e posedon Klinika infektive në QKUK, sipas Mentorit, është e njëjta me të cilën bëhet imunizimi. Ai konsideron se terapia duhet të ndërrohet pas disa vitesh, mirëpo kjo nuk bëhet:

“Unë kam jetuar edhe në Spanjë dhe atje është krejt tjetër mënyrë e trajtimit. Por, gjendja është shqetësuese, sepse ka shumë të prekur me HIV, që nuk shkojnë të marrin terapi e pa terapi jeton shumë shkurt’’, thotë ai.

Në Klinikën infektive në QKUK, infektologu Sali Ahmeti thotë se përdorin terapi protokollare, ashtu si edhe në të gjitha vendet tjera të rajonit e Evropës, për trajtimin e të prekurve me virusin HIV/AIDS.

“Sa i përket terapisë për të sëmurët me HIV/AIDS, kemi terapi dhe pacientët e marrin në mënyrë sistematike. Në trajtim i kemi rreth 30 raste, derisa numri total është rreth 160”, thotë ai. “Aplikohen protokollet standarde si në vendet e regjionit dhe ato evropiane. Realisht, për të sëmurët me HIV/AIDS ekzistojnë stigmatizime të ndryshme si edhe në vendet e tjera, për këtë arsye kemi raste që pacientët orientohen në qendra jashtë Kosovës për shkak të paragjykimeve”.

Në anën tjetër, Alban Gjonbalaj, udhëheqës i Asociacionit Kosovar të Personave që jetojnë me HIV në Kosovë, thotë se trajtimi i personave me HIV është i mangët.

Një nga donacionet e mëdha që ka mbështetur sistemin shëndetësor në Kosovë ndër vite është edhe Fondi Global, ku fokusi ka qenë në parandalimin si dhe trajtimin e të sëmurëve me HIV/AIDS, dhe tuberkuloz. Për këto sëmundje janë ndarë çdo pesë vjet nga pesë milionë euro. /REL/

Në trend Lajme

Më shumë
PDK voton kryesinë e re të partisë - pësojnë ndryshime në pozita disa prej figurave të njohura të kësaj partie

PDK voton kryesinë e re të partisë - pësojnë ndryshime në pozita disa prej figurave të njohura të kësaj partie

Lajme
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Pakënaqësi me Ligjin e pagave, Jasharaj paralajmëron protestë më 1 maj - nuk e përjashton mundësinë e grevës

Pakënaqësi me Ligjin e pagave, Jasharaj paralajmëron protestë më 1 maj - nuk e përjashton mundësinë e grevës

Elfije Boletini
Bedri Hamza i emëruari i PDK-së për kryeministër – kush mund të jenë kandidatët tjerë të partive politike?

Bedri Hamza i emëruari i PDK-së për kryeministër – kush mund të jenë kandidatët tjerë të partive politike?

Jehona Hulaj
Pamje nga të shtënat ku nisi konflikti në Prishtinë, ku humbën jetën dy persona

Pamje nga të shtënat ku nisi konflikti në Prishtinë, ku humbën jetën dy persona

Kronika e Zezë
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori