Flet Gold AG, ja çka thotë ai për padinë e Alma Lamës

Reperi i njohur shqiptar, Arian Agushi i njohur si “Gold AG”, është shprehur në mënyrë teje direkte kur është pyetur se si do të veproj pas padisë që i ka bërë deputetja e Kuvendit të Kosovës, Alma Lama.

“Nuk i jap pesë pare për atë punë. Ka kush merret më të është avokati im që merret me të dhe me atë punë, unë nuk kam kurrfarë pune aty”, është shprehur Gold AG.

Sa i përket mbylljes së llogarive që ka fituar në bazë të këngës, në kanalin Youtube ai ka thënë se le t’i merr të gjitha dhe ai se ka problem.

“Veç ishalla nuk na merr shnetën, se për të tjerat krejt le t’i merr”, është shprehur Gold AG për Indeksonline.

Lexo më shumë: Mbahet seanca gjyqësore e Alma Lamës kundër Gold AG

Po ashtu ai tha se nëse Gjykata vendos të largoj këngën “Shqiptari2” le ta bëjë, sepse sipas tij edhe Gjykata e Serbisë e ka larguar këngën e Zahir Pajaziti.

“Gjykata e Serbisë ka vendosë me heq këngën e Zahir Pajazitit, nëse vendosin për me heq edhe këtë le ta heqin”, u shpreh ai.

Mirëpo atë nuk do ta ndal askush, Ariani tha se derisa të ketë hajni do të ketë edhe këngë nga ai.

“Unë jam një artistë që nuk merrem më padi, thjesht e paraqes realitetin nëpërmjet këngëve të mija, edhe aty e kam shpreh dhe tash dikujt i ka dhimtë nuk kam çfarë të bëjë”, është shprehur në fund të bisedës ai.