Finlanda duhet të konsiderojë anëtarësimin në NATO pa Suedinë, thotë shefi i diplomacisë finlandeze

Finlanda duhet të konsiderojë anëtarësimin në NATO pa Suedinë.

Kështu, siç shkruajnë mediat e huaja, përcjell Telegrafi, ka thënë të martën ministri i saj i jashtëm.

Deklarata vjen pasi Turqia përjashtoi mundësinë e dhënies së dritës jeshile për Suedinë, pas një proteste për djegien e Kuranit.

Anëtarësimi i përbashkët i dy vendeve nordike mbetet “opsioni i parë”, por “ne padyshim duhet të vlerësojmë situatën, nëse diçka ka ndodhur që do të thotë se në planin afatgjatë Suedia nuk mund të ecë më përpara”, citohet të ketë thënë Pekka Haavisto.

Megjithatë, ai tha se ishte “shumë herët për të thënë një gjë të tillë”.

Lexo po ashtu Erdogan: Nuk do të mbështesim anëtarësimin e Suedisë në NATO, nuk respektojnë myslimanët dhe Turqinë

Kështu, vlerësojnë mediat e huaja, Finlanda për herë të parë “hapi derën për shkëputjen e mundshme të aplikimit të saj në NATO nga ai i Suedisë”, pasi fqinji i saj hasi në rezistencë të re nga presidenti turk Rexhep Tajip Erdogan.

Sinjali nga ministri i Jashtëm Pekka Haavisto mund të shënojë një ndryshim të rëndësishëm nga një politikëbërës finlandez që kur vendet nordike aplikuan për t’u bashkuar me Organizatën e Traktatit të Atlantikut të Veriut në maj.

Përballë kundërshtimeve të vazhdueshme nga Turqia – kryesisht për atë që ajo e sheh si goditje joadekuate ndaj kurdëve në Suedi – të dy vendet nordike deri tani kishin këmbëngulur që aplikimet e tyre të shqyrtoheshin së bashku. /Telegrafi/