Filmi ”Anatomy of a Fall” fiton Palmën e Artë në Festivalin e Filmit në Kanë

Filmi francez “Anatomy of a Fall” ka marrë çmimin kryesor në Festivalin e Filmit në Kanë.

Regjisorja Justine Triet fitoi “Palmën e Artë” për dramën, e cila tregon historinë e një shkrimtareje të akuzuar për vrasjen e burrit të saj.

Ajo bëhet regjisorja e tretë femër që fiton çmimin prestigjioz, i cili u dha për herë të parë në vitin 1955.

Pjesë e këtij projekti të famshëm është aktorja gjermane, Sandra Huller.

Lexo po ashtu Të gjitha lajmet nga Festivali i filmit në Kanë

Ndërsa pranoi çmimin, Triet kritikoi qeverinë franceze në lidhje me protestat e fundit të pensioneve.

Reformat e presidentit, Emmanuel Macron, në sistemin e pensioneve, të cilat përfshijnë rritjen e moshës së pensionit nga 62 në 64, kanë shkaktuar protesta të mëdha në Francë.

Triet kritikoi gjithashtu atë që ajo e quajti “komercializimin e kulturës” të qeverisë – duke bërë që ministrja franceze e Kulturës, ma Abdul Malak,të kundërpërgjigjet, duke thënë se ajo ishte “e mërzitur” nga komentet “të padrejta”.

Çmimi i Madh, çmimi i dytë më i lartë, shkoi për regjisorin Jonathan Glazer për “The Zone of Interest”.

Ndërkohë, çmimi për aktorin më të mirë shkoi për Koji Yakusho nga Japonia.

Festivali ishte një nga më të mëdhenjtë ndër vite për emrat e famshëm në tapetin e kuq – legjendat e Hollywoodit: Martin Scorsese, Robert De Niro, Quentin Tarantino, Isabella Rossellini dhe Sean Penn. /Telegrafi/