Fillojnë testimet e para të vaksinës kundër coronavirusit, shefi i OBSH-së e quan “arritje të jashtëzakonshme”

Ndërsa vendet në mbarë botën vazhdojnë të luftojnë pandeminë globale në vazhdim të coronavirusit COVID-19, kreu i Organizatës Botërore të Shëndetësisë njoftoi se testimet e para të një vaksine që mund të ndihmojë në trajtimin e kësaj fatkeqësie më në fund kanë filluar.

Siç ka sqaruar Drejtori i Përgjithshëm i OBSH-së, Dr. Tedros Adhanom Ghebreyesus, përcjell Telegrafi, ky proces u iniciua rreth dy muaj pasi u ndanë sekuenca gjenetike të patogjenit, të cilën ai e përshkroi si një “arritje të jashtëzakonshme”.

“Shumë teste të vogla me metoda të ndryshme mund të mos na japin provat e qarta, të forta që na duhen për të cilat trajtime ndihmojnë për të shpëtuar jetë”, njoftoi Dr. Tedros, duke zbuluar se OBSH filloi një studim të madh ndërkombëtar të quajtur “Eksperimenti i Solidaritetit”, qëllimi i të cilit është për të përcaktuar se cilat trajtime janë më efektive.

“The first vaccine trial has begun, just 60 days after the genetic sequence of the #coronavirus was shared. This is an incredible achievement.
We commend the researchers around the world who have come together to systemically evaluate experimental therapeutics”-@DrTedros #COVID19

— World Health Organization (WHO) (@WHO) March 18, 2020

Kreu i OBSH-së shtoi gjithashtu se Argjentina, Bahreini, Kanada, Franca, Irani, Norvegjia, Afrika e Jugut, Spanja, Zvicra dhe Tajlanda tashmë kanë konfirmuar qëllimin e tyre për t’u bashkuar me këtë iniciativë, dhe ka shprehur shpresë se vendet e tjera mund të ndjekin këtë kërkesë.

Lexo po ashtu Kina fillon provat klinike për vaksinën kundër coronavirusit – ekipi udhëhiqet nga ekspertja ushtarake që njihet si 'Terminatori i Ebola-s'

“Unë vazhdoj të frymëzohem nga demonstrimet e shumta të solidaritetit nga e gjithë bota”, tha ai, duke lavdëruar ata që dhuruan para për kauzën. “Këto dhe përpjekje të tjera më japin shpresë se së bashku, ne mund dhe do të mbizotërojë”.

“These and other efforts give me hope that together, we can and will prevail.

This #coronavirus is presenting us with an unprecedented threat. But it’s also an unprecedented opportunity to come together as one against a common enemy”-@DrTedros #COVID19

— World Health Organization (WHO) (@WHO) March 18, 2020

Ndërkohë, Shibo Jiang, profesor i virologjisë në Universitetin e Fudanit në Shanghai dhe në New York Blood Center, paralajmëroi se kërkimi për vaksinën nuk duhet të nxitohet dhe se të gjithë protokollet e duhura të sigurisë duhet të respektohen gjatë këtij procesi. /Telegrafi/