LAJMI I FUNDIT:

Fillimi i vitit shkollor, Jasharaj thotë se do të testohen për COVID-19 një numër i mësimdhënësve nga çdo komunë

Fillimi i vitit shkollor, Jasharaj thotë se do të testohen për COVID-19 një numër i mësimdhënësve nga çdo komunë
Foto: Arkiv

Kryetari i Sindikatës së Bashkuar për Arsim, Shkencë dhe Kulturë (SBASHK), Rrahman Jasharaj, ka thënë se janë duke planifikuar që para fillimit të vitit të ri shkollor, një pjesë e mësimdhënësve të testohen për COVID-19.

Jasharaj në një deklaratë të dhënë për Telegrafin ka thënë se përzgjedhja e këtyre mësimdhënësve do të bëhet nga komuna.

“Është përmendur ideja që të bëhet një lloj testimi i mësimdhënësve, por jo i të gjithëve. Nga secilën komunë nga një numër i caktuar i mësimdhënësve, në mënyrë që të jetë një si mostër për të parë se sa mund të dalin të prekur me COVID-19, ose sa kanë qenë të infektuar. Në bazë të rezultateve të shihet nevoja se a duhet vazhduar apo situata është e qëndrueshme. Nuk bëhet fjalë për testimin e të gjithë mësimdhënësve, por do të bëhet një përzgjedhje nga komuna dhe nga Instituti i Shëndetit Publik”, pohoi ai.

Jasharaj shtoi më tej se do të vazhdojnë me vizita nëpër shkolla.

“Ne kemi filluar me ministrin Likaj t’i vizitojmë shkollat nëpër komuna, ato nuk do të jenë të paralajmëruara për vizitë dhe duam të shohim situatën reale. Nga vizita në Prishtinë, po them se janë shtua angazhimet dhe besoj që edhe gjatë javës së ardhshme do të vazhdojë kështu ky ritëm i angazhimeve”, pohoi ai.

Jasharaj deklaroi se në aspektin teknik shkollat mund të jenë të përgatitura për fillimin e mësimit, por është IKSHPK dhe Ministria e Shëndetësisë që e bëjnë vlerësimin e gjendjes.

“Në kuptimin teknik shkollat mund të jenë të përgatitura, por për fillimin e vitit të ri shkollor IKSHPK dhe MSH do të jenë vazhdimisht duke vlerësuar situatën, por sa i përket mësimdhënësve ata kanë gatishmërinë të fillojnë vitin e ri shkollor më 14 shtator”, u shpreh ai.

Ndryshe, Ministria e Arsimit dhe Shkencës ka vendosur që viti i ri shkollor 2020-2021 të fillojë më 14 shtator./Telegrafi/

Në trend Lajme

Më shumë
PDK voton kryesinë e re të partisë - pësojnë ndryshime në pozita disa prej figurave të njohura të kësaj partie

PDK voton kryesinë e re të partisë - pësojnë ndryshime në pozita disa prej figurave të njohura të kësaj partie

Lajme
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Pakënaqësi me Ligjin e pagave, Jasharaj paralajmëron protestë më 1 maj - nuk e përjashton mundësinë e grevës

Pakënaqësi me Ligjin e pagave, Jasharaj paralajmëron protestë më 1 maj - nuk e përjashton mundësinë e grevës

Elfije Boletini
Bedri Hamza i emëruari i PDK-së për kryeministër – kush mund të jenë kandidatët tjerë të partive politike?

Bedri Hamza i emëruari i PDK-së për kryeministër – kush mund të jenë kandidatët tjerë të partive politike?

Jehona Hulaj
Pamje nga të shtënat ku nisi konflikti në Prishtinë, ku humbën jetën dy persona

Pamje nga të shtënat ku nisi konflikti në Prishtinë, ku humbën jetën dy persona

Kronika e Zezë
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori