“Ferri në Tokë”, zbulohet varreza masive nga masakra e vitit 1921 në Oklahoma

Shkencëtarët në Oklahoma janë një hap më afër gjetjes së provave të mundshme të varrezave masive të lidhura me masakrën vdekjeprurëse të vitit 1921. Studiuesit në Tulsa përdorën radarin depërtues në tokë, për të parë dy vende dhe gjetën parregullsi që mund të jenë në përputhje me varrosje në shkallë të gjerë, transmeton Telegrafi.

Lagjja e Greenwood ishte e njohur si Black Wall Street. Restorantet, dyqanet ushqimore dhe rrobaqepësit, ishin të gjitha bizneset që pronarë kishin njerëzit me ngjyrë.

Më 1921 një turmë e bardhë dogji shumë lagje në Tulsa, dhe disa thonë se rreth 300 banorë me ngjyrë u vranë. Pothuajse i harruar nga historia, qyteti po përpiqet të zbulojë të kaluarën dhe të shërojë plagët.

Fotoreporteri Kavin Ross tha se është mirënjohës që një pjesë tragjike, pak e njohur e historisë së Tulsas tani po del në dritë.

“Për dekada të tëra ishte e heshtur. Edhe disa nga të mbijetuarit që unë intervistova, ata ishin të qetë dhe më thoshin, oh njerëzit e bardhë. Ata kishin pëshpëritur në shtëpitë e tyre sepse ishin rritur duke mos folur për atë që ndodhi”, i tha Ross korrespondentit të CBS.

Turma e bardhë u përlesh me disa burra me ngjyrë të cilët po ashtu ishin armatosur, të cilët ishin mbledhur për të mbrojtur një këpucëtar me ngjyrë, i cili ishte akuzuar padrejtësisht për sulmin ndaj një gruaje të bardhë. Pasi u qëllua, shpërtheu dhuna dhe u masakruan qindra të njerëz me ngjyrë. Gjyshi i Ross u detyrua të largohej nga qyteti pasi biznesi i tij u shkatërrua.

“Ka pasur shpërthime. Ka pasur njerëz duke vrapuar për jetët e tyre. Ishte thjesht ferri në tokë”, tha Ross. Tmerri u soll në jetë në episodin premierë të serialit të ri “Watchmen” të HBO-së.

Dëshmitarët njoftuan se panë trupa të hedhur në varre masive, por zyrtarët vendas fshehën prova për ndonjë krim. Në një forum publik të hënën, shkencëtarët konfirmuan se zbuluan se si duket një gropë nëntokësore, për të cilën ata thanë se është mjaft e madhe që të mbajë deri në 100 trupa.

Shkencëtarët tani po planifikojnë të bëjnë anketime shtesë që mund të çojnë në gërmime.

Nëse është gjetur një varr masiv, anëtarët e komunitetit me ngjyrë në Tulsa thanë që ata do të dëshironin që eshtrat të zhvendoseshin në kishën Vernon AME, ku bodrumi i saj ishte një nga vendet e pakta që i mbijetoi shkatërrimit. Do të ishte pjesë e një memoriali. /Telegrafi/