Fëmijët mund të luajnë edhe natën – ndalimi për të miturit në Korenë e Jugut më në fund është hequr

Ndalimi i diskutueshëm, i cili u prezantua dhjetë vjet më parë, më në fund do të hiqet.

Koreja e Jugut vendosi një ndalim 10 vjet më parë, i cili nuk i lejonte të miturit të luanin lojëra gjatë natës.

Ndalimi është zbatuar përmes Ligjit për mbrojtjen e të rinjve, me qëllim që të zvogëlohet varësia nga lojërat e fëmijëve.

Ndalimi kishte në shënjestër lojtarët nën moshën 16 vjeç dhe ata nuk u lejuan të hynin në lojëra midis mesnatës dhe orës gjashtë të mëngjesit dhe kjo çoi në situata të ndryshme paradoksale.

Pra, loja popullore Minecraft ishte e disponueshme vetëm për të rriturit.

Sidoqoftë, kritikët e ligjit kanë argumentuar se vendimi nuk jep rezultate adekuate në luftën kundër varësisë ndaj lojërave.

Megjithatë, heqja e ndalimit nuk do të thotë liri e plotë për lojtarët e mitur.

Prindërit dhe fëmijët do të mund të përdorin opsionin “kontroll prindëror” për të përcaktuar se sa kohë do të kalojnë në lojëra dhe kjo do të miratohet nga Fondacioni për Kulturën e Lojërave në Korenë e Jugut. /Telegrafi/