Disa persona, përfshirë fëmijë, janë lënduar në Berlin pasi një makinë përplasi një grup njerëzish, raportuan mediat gjermane.
Një BMW goditi një grup fëmijësh, të moshës 7-8 vjeç, ndërsa po bënte një kthesë në lagjen qendrore të Mitte, sipas gazetës Bild.
Tre nga fëmijët u lënduan dhe u dërguan në spitalin aty pranë Virchow, transmeton Telegrafi.
Sipas raportimeve fillestare, një e rritur u lëndua rëndë dhe ajo u dërgua gjithashtu në spital.
Shoferi i BMW-së thuhet se nuk është lënduar. Fotot tregojnë një burrë të mbështetur në një makinë dhe duke u marrë në pyetje nga policia. Drita e përparme e majtë e makinës është e dëmtuar.
Aksidenti ndodhi rreth orës 13:10 të enjten. Shërbimet e emergjencës mbeten në vendngjarje. /Telegrafi/
