Roger Federer e ka fituar titullin e 99-të të karrierës në nivel turneu duke triumfuar në Sëiss Indoors në Bazel të Zvicrës.

Në finale, 37-vjeçari u përball me tenistin numër 93 në renditje, Marius Copil, të cilin e mposhti me rezultat 2-0 në sete (7-6, 6-4).

Edhe pse dukej se zvicerani do ta kishte të vështirë që të triumfonte, ai i doli që në fund të ishte fitues.

Lajmet për Federer Lajmet për Federer

Tenisti rumun, Marius Copil, arriti në finale duke eliminuar Alexander Zverevin në përballjen e të shtunës.

Ndërsa Federer, fitues i 20 titujve Grand Slam, nuk e nisi mirë këtë finale, porse u rikthye për të fituar.

Ky ishte titulli i nëntë për Roger në turneun Swiss Indoors që zhvillohet në Basel të Zvicrës.

Ndërsa gjatë vitit 2018, ai tashmë ka fituar katër trofe, teksa në total gjatë karrierës numëron 99 tituj në total. /Telegrafi/