Federata Angleze e Futbollit krijoi një precedent për shkak të mesazhit të Luis Diaz nën fanellë

Federata e Futbollit të Anglisë nuk do ta gjobisë futbollistin kolumbian Luis Diaz pasi anëtari i Liverpoolit festoi një gol në ndeshjen e Ligës Premier duke treguar një mesazh nën fanellë.

Ngjarja ndodhi në ndeshjen mes Lutonit dhe Liverpoolit, e cila përfundoi pa fitues 1-1, ku Diaz shënoi gol për Reds në minutat shtesë.

Më pas kolumbiani ka treguar mesazhin “Liri për babanë” dhe ka të bëjë me dramën familjare që po kalon aktualisht.

Lexo po ashtu 'Liri për babin' - Luis Diaz pasi shënoi gol i dërgon mesazh babait të rrëmbyer

Kujtojmë se pjesëtarët e grupit gueril të Ushtrisë Çlirimtare Kombëtare (ELN) kanë rrëmbyer së fundmi prindërit e futbollistit.

Edhe pse ushtria kolumbiane arriti të shpëtonte nënën e Diazit shumë shpejt pas rrëmbimit, ata janë ende në kërkim të babait të tij.

Luis Diaz will NOT face any action from the FA after Liverpool star lifted his shirt to reveal message calling for the release of his father ?

✍️ @MikeKeegan_DM https://t.co/vvPRFVOgGt

— Mail Sport (@MailSport) November 6, 2023

Federata bëri të ditur se nuk do ta ndëshkojë Diazin, pavarësisht rregullit që futbollistët nuk lejohen të dërgojnë dhe shfaqin mesazhe personale në fushat e futbollit.

Është thënë se këto janë rrethana të veçanta dhe se nuk kanë ndërmend të hapin procedura disiplinore. /Telegrafi/