FED uli normat e interesit: Ka përfunduar lufta me inflacionin

Banka qendrore amerikane rriti dukshëm parashikimin e normës së papunësisë këtë vit dhe tregoi një zhvendosje të fokusit nga inflacioni në tregun e punës, duke ulur normat e interesit me gjysmë për qind.

Gama e normave të interesit referencë është tani nga 4.75 në 5 për qind, njoftoi FED, ku presidenti Jerome Powell deklaroi se ka përfunduar lufta kundër inflacionit.

Banka qendrore amerikane ka mbajtur norma interesi në një interval prej 5.25 deri në 5.50 për qind që nga muaji korrik i vitit të kaluar, kur përfundoi një cikël 18-mujor të rritjes së kostove të huamarrjes, shkruan cnn.

Projeksionet e reja të FED tregojnë se inflacioni do të bjerë në 2.3 për qind këtë vit dhe do të ngadalësohet më tej në 2.1 për qind në vitin 2025. Në vitet 2026 dhe 2027, FED-i pret inflacion prej dy për qind, duke vlerësuar se ai do të mbetet në atë nivel për një periudhë më të gjatë, sipas parashikimeve mediale nga zyrtarët.

Megjithatë, ata e ngritën ndjeshëm vlerësimin e shkallës së papunësisë këtë vit, në 4.4 për qind. Që në muajin qershor, ata vlerësuan se do të shkonte në 4 për qind, pak a shumë në përputhje me vlerësimin e institutit të pavarur CBO, i cili mbledh së bashku ish-zyrtarë të bankës qendrore dhe të Ministrisë së Financave dhe ish-përfaqësues në Kongresin amerikan. Në vitin 2023, sipas CBO, ishte 3.6 për qind.

Treguesit e shumtë nga tregu i punës, si pretendimet për përfitime papunësie, madje edhe shkalla aktuale e papunësisë prej 4.2 për qind, nuk shkaktojnë shqetësim, theksoi kreu i FED, por tregoi se duhen parashikuar indikacione të reja dobësie në tregun e punës. /Telegrafi/