Fazliu: Problem kryesor i Maqedonisë, çështja shqiptare (Video)

Sonte i ftuar në emisionin “10 minuta” të TV21, deputeti i PDSh, Bekim Fazliu ka thënë se veprimet që po bëhen nga BDI dhe OBRM-PDUKM, do të ndikojnë vetëm në thellimin e krizës dhe jo në zgjidhjen e saj dhe se problemi i vërtet në Maqedoni është çështja shqiptarëve e pa zgjidhur, transmeton Telegrafi Maqedoni.

Sa i përket çështjeve lidhur me zgjedhjet e parakohshme, ai ka thënë se partia më e madhe opozitare shqiptare, PDSh, vlerëson se institucionet e shtetit gjatë pastrimit të listës së votuesve do ti dëmtojnë votuesit shqiptarë nga diaspora, nëse plotësohen dëshirat e LSDM opozitare.

Lidhur me pezullimin e Fondeve IPA nga Bashkimi Evropian ai është shprehur se vendi është ditë e zezë për mos njohurinë lidhur me projektet IPA dhe se përgjegjës për këtë është ish zëvendëskryeministri Fatmir Besimi.

“Fajtor kryesor pse Maqedonia, vazhdon të ngulfatet në krizë pikërisht tek këta tre parti politike që ishin në qeveri. Partia Demokratike Shqiptare, gjithmonë e thekson se problemi i vërtet në Maqedoni është çështja e pa zgjidhur e shqiptarëve, ndërsa gjithë çka tjetër janë problemet virtuale të krijuara nga partneri maqedonas me ndihmën e BDI për të mos ardhur në rend dite zgjidhja e problemit kryesor që ka Maqedonia e që ka të bëjë me shqiptarët”, ka thënë Fazliu./Telegrafi/