LAJMI I FUNDIT:

Farërat e domateve hibride me çmime deri 600 mijë euro për kilogram

Farërat e domateve hibride me çmime deri 600 mijë euro për kilogram

Farërat e domateve shiten në treg me çmime që shumëkujt i duken të pabesueshme: 400 mijë deri 600 mijë euro për kilogram. Industria agroteknike gjeneron me farërat hibride miliarda dollarë.

Në treg gjen sot lloje të ndryshme domatesh, të kuqe, të verdha, të zeza, portokalli, stërgjatëse, të mëdha, të vogla, me shkëlqim dhe shije aciditet të ndryshëm.

Një kilogram domate kushton në treg tre-kater euro. Por fermerët paguajnë për farërat e domateve 400 mijë deri 600 mijë euro për kilogram.

Arsyeja për këto çmime stratosferike lidhet me përbërjen gjenetike të këtyre domateve. Këto domate hibride janë krijuar nga kryqëzimi i llojeve të ndryshme dhe janë më rezistente, të forta dhe të qëndrueshme ndaj llojeve të tjera.

Po ashtu, ato mund të kultivohen edhe në kushte të vështira. Prodhimi i një hibridi të vetëm mund të kërkojë deri në 400 kryqëzime.

Farërat e domateve hibrideve nuk mund të përdoren për t’u rimbjellë, sepse nuk duhet se ç’lloj domatesh do të japin. Prandaj fermerëve u duhet të blejnë çdo vit fara të sapokryqëzuara.

Tregu i farërave hibride mbizotërohet nga disa korporata të mëdha prodhimesh agroteknike, të cilat për të ulur kostot i prodhojnë farërat e tyre në vendet me paga të ulëta, shpesh duke shfrytëzuar punëtorët dhe duke punësuar fëmijë. Kjo industri pak e njohur gjeneron miliarda dollarë. /Deutsche Welle/