Në një nga dy vende pune që krijohen në Gjermani punësohen të huaj, shumica e tyre vijnë nga Polonia dhe Rumania. Edhe punësimi i refugjatëve ka shënuar rritje, megjithatë shifrat për këtë janë të vogla.
Gjithnjë e më shumë njerëz në Gjermani punojnë. Gazeta Frankfurter Allgemeine Sonntagszeitung bën të ditur duke iu referuar shifrave të Agjencisë Federale të Punës se në korrik të këtij viti, numri i të punësuarve në Gjermani u rrit me 700 mijë vetë krahasuar me një vit më parë. Më shumë se gjysma e tyre, rreth 370 mijë vetë janë sipas këtyre shifrave të huaj. Dhe pjesën më të madhe të këtyre e përbëjnë të punësuar nga shtete evropianolindore të Bashkimit Evropian.
Shifrat u referohen vendeve të punës, për të cilat është e detyrueshme të paguhen sigurime shoqërore, duke përfshirë tatimin mbi pagën dhe kontributin për sigurimin e pensioneve. Statistika tregon edhe që ata që vijnë nga Evropa Lindore shumicën e herëve kanë punë në Gjermani. Kuota e papunësisë te ata është shumë më e ulët se tek të huajt e tjerë, gati po kaq e ulët sa te vendasit.
Në tërësi, për momentin në Gjermani punojnë rreth 1.5 milionë të punësuar ose me punë të vogla nga Evropa Lindore, midis tyre 422 mijë polakë dhe 349 mijë rumunë. Nga shtetet evropianojugore si Greqia, Italia, Portugalia dhe Spanja në Gjermani kanë qenë së fundi të punësuar 614 mijë vetë. Refugjatët, me 327 mijë të punësuar në tregun gjerman të punës, janë ende pak edhe nëse shifrat së fundi janë rritur më shumë se që besohej.
Ministri Federal i Punës, Hubertus Heil, i tha gazetës se “Pa lirinë e lëvizjes, të cilën e shijojnë punëmarrësit në Evropë, në profesione të caktuara ne do të ishim në vështirësi shumë më të mëdha”.
I nevojshëm është imigrimi shtesë nga shtete të treta. Heil e mbrojti këtu Ligjin e Imigrimit përballë zërave skeptikë nga partitë unioniste si ‘përparim gjigant shoqëror dhe ekonomik, të cilin nuk mund ta kthejë pas më askush’.
Ministri Federal i Brendshëm, Horst Seehofer, i tha në një intervistë gazetës Welt am Sonntag se “Ligji i Imigrimit do të sqarojë me ‘kritere të pastra’ se si duhen trajtuar migrantët, të cilët punojnë prej vitesh me statusin ‘i duruar’ dhe që ndodhen para dëbimit”.
Me gjithë mungesën aktuale të fuqisë punëtore, pagat në Gjermani nuk janë rritur, siç bën të ditur Frankfurter Allgemeine Sonntagszeitung. Rritja e tyre ka qenë vetëm 2.5 për qind.
Pas heqjes së shumës për të kompensuar inflacionin, punonjësve u mbetet vetëm 0.5 për qind e shtesës. Por kjo nuk ka të bëjë me imigrimin në tregun e punës, i tha gazetës Enzo Weber, nga Insituti për Tregun e Punës dhe Studimet profesionale në Nyrnberg. Përkundrazi, në degët ekonomike me shumë imigrim pagat janë rritur pak më shpejt se në degët e tjera. /DW /Telegrafi/
Promo
Reklamo këtuLufta Prigozhin - Putin
Më shumëKush është vajza biznismene që po pushton tregun muzikor?
Produkte natyrale, vegane dhe organike për kujdesin e lëkurës - My Skin Project
50 brende botërore dhe 60 kuzhinierë pjesë e panairit Horeca - Frigo Deluxe
Kreativ Qeramika, Kampion i Kampionëve!
Scardian Sigurime shpallet fituese e çmimit “Best Insurance Company in Kosovo 2023” nga FMI
Nxitoni, vetëm edhe 4 vende të lira në kursin intensiv për kamerë “From Zero to Hero”
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi