“Është martuar me një shtetas italian për letra”, vëllai i Egla Cenos tregon se si qëndron e vërteta e martesës së saj fiktive

Pas aludimeve të shumta që kanë qarkulluar në rrjet, vëllai i aktores Egla Ceno ka vendosur të japë sqarime lidhur me statusin e gjendjes civile të motrës së tij.

Në një intervistë të dhënë për emisionin “Shqipëria Live”, ai ka mohuar faktin se Egla është e martuar me një djalë italian, një histori që është përhapur së fundmi në mediat sociale dhe portale.

Beso Ceno u shfaq i qetë dhe i drejtpërdrejtë kur shpjegoi situatën, duke theksuar se Egla ka pasur një “martesë për letra” për të fituar lejeqëndrimin në Itali dhe jo një martesë të vërtetë. “Nuk është e martuar”, tha ai. “Një mik i ngushtë është ofruar ta ndihmojë… unë e di që motrën e kam të pamartuar”.

Në të njëjtën bisedë, Beso u pyet rreth deklaratave të Paloma, ish-banores së Big Brother, e cila kishte thënë se Egla ishte e martuar me një italian me emrin Françesko. “Po, është e saktë”, u përgjigj Beso. Ai shtoi se kujtohet kur mikut të Eglës i ishin ofruar të ndihmojë në fillimet e saj, por ai siguroi intervistuesit se do të ishte “injorancë e madhe” nëse ai nuk do të dinte diçka të tillë.

Gjithashtu, Beso theksoi lirinë dhe hapësirën që ka secili për të shprehur veten, duke u shprehur se janë “njerëz të lirë të themi çfarë duam”.

Me këto sqarime, ai shpreson të ketë hedhur dritë mbi thashethemet dhe të ketë qetësuar fansat dhe ndjekësit e Eglës që ishin bërë të shqetësuar nga lajmet që po qarkullonin. /Telegrafi/