LAJMI I FUNDIT:

Eroll Salihu mesazh Feronikelit: Jeni të obliguar të ndani bileta për “Plisat”, absurd ndalimi i fëmijëve

Eroll Salihu mesazh Feronikelit: Jeni të obliguar të ndani bileta për “Plisat”, absurd ndalimi i fëmijëve

Feronikeli dhe Prishtina kanë para tyre edhe 90 minuta për të përcaktuar kampionin e ri të Kosovës në futboll.

Nikli do të jetë nikoqir i skuadrës prishtinase më 19 maj (e diele), me fillim prej orës 16:00 në stadiumin “Rexhep Rexhepi” në Drenas.

Drenicakët kanë bërë njoftimin e parë zyrtar rreth nxjerrjes së biletave në shitje, ku ndër të tjerash parashihet që fëmijët nën moshën 15-vjeçare nuk do të lejohen në fushë.

I kontaktuar nga Telegrafi, Eroll Salihu, sekretari i përgjithshëm i FFK-së, ka pohuar se ky vendim i zigjelbërve është absurd dhe nuk bazohet në asnjë rregullore.

“Askund nuk shkruan se i ndalohet fëmijëve pjesëmarrësja në fushë. Për çka luhet futbolli, për tifozë të grupmoshave të ndryshme”, tha fillimisht ai.

Ai më tutje ka deklaruar se skuadra vendase është e obliguar që një pjesë të tribunave t’iu ndajë tifozëve mysafirëve ani pse ata kanë paralajmëruar se një gjë e tillë mund të mos ndodh shkaku i disa punimeve që po kryhen në stadium.

“Nikli ka paralajmëruar federatën se një pjesë e stadiumit është duke u ndërtuar. Por, kjo nuk do të thotë që nuk duhet të jenë të pranishëm tifozët e ekipit kundërshtar në shkallët e stadiumit, por edhe zyrtarët e mysafirët prishtinas. Feronikeli ka krijuar një traditë të mirë të mikpritjes së kundërshtarëve, nuk besoj se do të ndodh një gjë e tillë”, tha Salihu për Telegrafin.

Të gjitha lajmet rreth Feronikelit
Lexo po ashtu Të gjitha lajmet rreth Feronikelit
Të gjitha lajmet rreth Prishtinës
Lexo po ashtu Të gjitha lajmet rreth Prishtinës

Theksojmë se sipas rregullave të FFK-së dhe UEFA-së, skuadra vendase është e detyruar që pesë për qind të biletave t’ua shes ekipit kundërshtar dhe për tifozët e tyre të krijoj siguri të plot.

Feronikeli njofton rreth shitjes së biletave ndaj Prishtinës
Lexo po ashtu Feronikeli njofton rreth shitjes së biletave ndaj Prishtinës

Një gjë e tillë mund të shfuqizohet vetëm me një vendim të FFK-së apo pas një marrëveshje mes dy klubeve.

Ndryshe, Feronikeli është lider i ligës elitare të Kosovës me 77 pikë, përkatësisht ka dy më tepër se vendi i dytë që e zotëron Prishtina. /Telegrafi/