Muaji maj në Kosovë shënohet edhe si “muaji i maturantëve”, kjo pasi të gjithë ata që kryejnë me sukses shkollën e mesme festojnë në fund të vitit natën e mbrëmjes së maturës.

Maturantët kosovarë jo pak herë bëhen temë e mediave, kjo pasi kujdesi dhe idetë kreative rrëmbejnë gjithnjë vëmendje.

E tillë ka qenë paraqitja e maturantes Eriona Sejdiu nga Prishtina, e cila mori vëmendjen me bukurinë e saj.

Në një prononcim për Telegrafin, Eriona e cila është blogere mjaft e ndjekur në rrjetet sociale, ka thënë se mbrëmja e maturës ishte mjaft e veçantë.

Tutje, Sejdiu tregoi se dukjen e saj ia besoi stilistëve dhe parukierëve më të mirë në vend.

“Për dukjen time janë kujdesur parukieri Kaci, grimerja Sellma dhe stilisti Valdrin Sahiti. Për modelin e fustanit jam frymëzuar rastësisht në një fotografi në Instagram”, tregon Eriona.

18-vjeçarja e cila sapo ka përfunduar gjimnazin “Sami Frashëri”, tregoi se është e gatshme për studime.

“Për studime ende nuk e kam vendosur konkretisht, por ndoshta do të vazhdoj për biznes”, ka përfunduar Eriona Sejsiu për Telegrafin.

Ajo ka ndarë me ndjekësit e saj në rrjetet sociale fotografitë nga matura, të cilat janë realizuar nga fotografi Norik Uka. /Telegrafi/