Emri i Xabi Alonsos rishfaqet fuqishëm në radarin e Real Madridit pas humbjes së Ancelottit ndaj Arsenalit

Trajneri i Bayer Leverkusenit, Xabi Alonso thuhet se po fiton terren për t’u emëruar në stolin e Real Madridit si pasues i Carlo Ancelottit.

Drejtori i Tiempo de Juego të Cadena COPE, Paco Gonzalez, ka përmendur Xabi Alonson dhe lidhjet e tij me Real Madridin pas humbjes 3-0 ndaj Arsenalit.

Gonzalez vuri në dukje se disa besojnë se Alonso tashmë është nënshkruar, megjithëse ish-mesfushori nuk i ka konfirmuar planet e tij të ardhshme.

“Disa thonë se Xabi Alonso tashmë është nënshkruar, nuk e di, por disa janë të sigurt për këtë. Gjithashtu, ai nuk ka konfirmuar nëse do të qëndrojë në Leverkusen vitin e ardhshëm”, ka thënë Gonzalez.

🚨 Paco González (COPE journalist): “Before the game yesterday, someone who has sources told me the next coach of Real Madrid has already signed, and he is Xabi Alonso. They say it is done for this summer.” pic.twitter.com/CeaLNnEILS

— Madrid Universal (@MadridUniversal) April 9, 2025

Ideja e Alonsoss për të zëvendësuar Carlo Ancelottin ka fituar vëmendje, veçanërisht pas rezultatit sfidues të Real Madridit në Londër. Shumë tifozë mendojnë se duhet një ndryshim projekti në fund të sezonit.

Me shpresat e Real Madridit në Ligën e Kampionëve të varura nga një fije, ky besim po bëhet më i fortë. Tifozët tani janë edhe më të bindur se një ndryshim mund të jetë në horizont. /Telegrafi/