A keni vështirësi për të fjetur natën? Të gjithë mund të jeni ndjerë të rraskapitur dhe mezi presim të biem në shtrat, vetëm për të qëndruar aty zgjuar për disa orë me radhë.

Së shpejti mund të filloni të shikoni orën dhe të numëroni kohën derisa të duhet të jeni zgjuar.

Për fat të mirë, eksperti i shëndetit natyror dhe kimisti Dr. Tim Bond nga Dragonfly CBD ka ndarë një metodë të jashtëzakonshme për t’ju ndihmuar të bini në gjumë në vetëm pesë minuta.

Ai tha për The Mirror: “Ekziston një proverb irlandez që thotë: ‘Një e qeshur e mirë dhe një gjumë i gjatë janë kurat më të mira. Gjumi i mirë është thelbësor. Ai lejon trupin dhe mendjen tuaj të rimbushen, duke ju lënë të freskët dhe vigjilent kur zgjoheni’”.

Pse zgjohemi të lodhur edhe pasi kemi bërë gjumë të mjaftueshëm Pse zgjohemi të lodhur edhe pasi kemi bërë gjumë të mjaftueshëm

“Gjumi i shëndetshëm gjithashtu ndihmon trupin të mbetet i shëndetshëm, të shmangë sëmundjet dhe, pa gjumë të mjaftueshëm, truri nuk mund të funksionojë siç duhet, duke ndikuar në përqendrimin, të menduarit e qartë dhe përpunimin e kujtesës”.

Si të bini në gjumë për pesë minuta?

Për mundësinë tuaj më të mirë për të fjetur vetëm pesë minuta pasi koka juaj të prek jastëkun, ndiqni këto hapa:

  1. Uluni ose shtrihuni në shtratin tuaj dhe ngadalë relaksoni çdo muskul në trupin tuaj

  2. Filloni me fytyrën tuaj, tendosni muskujt dhe më pas lërini të pushojnë dhe lirohen natyrshëm

  3. Hidhni shpatullat për të çliruar çdo tension dhe lërini duart tuaja të bien në anën e trupit tuaj

  4. Merrni frymë, duke relaksuar gjoksin tuaj. Relaksoni këmbët dhe kofshët

  5. Përsëriteni këtë ushtrim derisa trupi juaj të ndihet plotësisht i qetë. Hiqni të gjitha mendimet nga koka juaj. Kur truri të ndihet plotësisht i qartë, imagjinoni veten në një situatë relaksuese

  6. Jeni ulur në një ballkon duke parë një pamje të qetë të detit në një ditë me diell ose jeni duke u lëkundur butësisht përpara dhe mbrapa në një karrige lëkundëse në një dhomë të errët apo jeni duke lundruar në shpinë në një pishinë.

Përndryshe, mund të përdorni ndonjë skenë tjetër relaksuese që funksionon për ju. Nëse kjo nuk funksionon, provoni t’i thoni fjalët “mos mendo, mos mendo” vazhdimisht dhe duhet të flini për 10 sekonda. /Telegrafi/