Ekipet e shpëtimit nxjerrin të gjallë burrin e ngecur në rrënojat e shtëpisë, të cilën ia shkatërroi tërmeti dhe cunami në Indonezi (Video)

Pas lajmeve rrëqethëse se numri i viktimave të tërmetit dhe cunamit në Indonezi është duke u rritur, së fundmi është raportuar edhe për një lajm të mirë, ku ekipet e shpëtimit kanë arritur ta nxjerrin nga rrënojat një burrë që për katër ditë kishte qëndruar pa ujë e bukë.

Numri i viktimave në Indonezi ka shkuar në 1,234, ndërsa në mesin e personave që i shpëtuan vdekjes është edhe 38-vjeçari Sapri Nusin, të cilin e kanë gjetur ekipet e shpëtimit në bashkëpunim me disa zhytës, transmeton Telegrafi.

Edhe pse kishte biseduar gjatë gjithë kohës me stafin e autoambulancës derisa po e dërgonin për në spital, mediat lokale raportojnë se nuk dihet asgjë për gjendjen e tij shëndetësore.

Ndërsa ai ishte gjetur nën rrënoja i “varrosur për së gjalli”, ku i kishte kaluar plotë katër ditë nën copëza të betonit dhe armaturës.

Sipas zyrës për kriza humanitare e OKB-së, vlerësohet se të paktën 191 mijë persona kanë nevojë urgjente për ndihmë. Në mesin e tyre janë 46 mijë fëmijë dhe 4 mijë të moshuar. /Telegrafi/