Edicion special me vetëm 50 njësi të Aston Martin DBS Superlaggera (Foto)

Bashkëpunim i Aston Martin dhe prodhuesit zviceran TAG Heuer

Detajet për këtë model janë shumë të pakta, ndërsa nuk saktësohet data se kur mund të prezantohet, transmeton Telegrafi.

E tëra që dihet sigurt, është se Aston Martin DBS Superlaggera do të krijohet ën bashkëpunim me prodhuesin zviceran TAG Heurer, që të lansohet në një edicion special prej vetëm 50 njësive.

Makina e përfunduar nuk do të dallojë shumë prej DBS Superlaggera, vetëm se do të ketë valëzime të shumta të eksterierin me fibra karboni, për t’ia shtuar aerodinamikën.

Gjithçka do të jetë e lyer me dy tone të ngjyrës së zezë, përfshirë edhe mbrojtëset dhe rrotat, ku me të kuqe do jetë e shkruar Pirelli. Enterieri do ta ketë ngjyrën e njëjtë, vetëm se do të jenë të qëndisura me të kuqe emrat e të dy prodhuesve.

Nën kapak pritet ta ketë motorin e DB11 që ka 5.2 litra që prodhon 750 kuaj fuqi, duke i mundësuar që shpejtësinë prej zero deri në 100 kilometra në orë, ta arrijë për 3.1 sekonda. Shpejtësia makimale që do të arrijë, pritet të jetë 300 kilometra në orë. /Telegrafi/