Media serbe Kurir e cila është nën kontrollin e presidentit Aleksandar Vuçiq, ka publikuar një hulumtim që tregon se biznesmeni nga Nikshiqi, i njohur për aktivitetet të shumta të paligjshme, Miodrag “Daka” Davidoviq, ka përdorur pasurinë e tij për të financuar strukturat malazeze pro-serbe, të cilat ishin ende në opozitë gjatë tentimit për grusht-shtetit në vitin 2016.
Sipas hulumtimit, bazuar në gjetjet operacionale të Shërbimit Sekret serb (BIA), Davidoviq ka përdorur kontaktet e veçanta në Rusi për ta financuar opozitën malazeze.
“Ndryshimi i qeverisë në Podgoricë është një lloj ushtrimi i fuqisë së Davidoviqit, ku përdori ndikimin politik, kishtar dhe financiar që ai ka në këtë vend, por në të njëjtën kohë lë të kuptohet sesa mund të rritet fuqia e tij shkatërruese nëse ai e drejtoi atë drejt autoriteteve në Serbi”, thuhet në hulumtimin me titull “Mashtruesi Daka e shkatërroi politikisht Milo Gjukanoviqin, por bëri mashtrime biznisore më të“.
Të dhënat operacionale tregojnë se ishte Davidoviq ai që kishte fjalën kryesore në të gjitha trazirat politike dhe proceset e tjera që përfundimisht çuan në humbjen e Partisë Demokratike të Socialistëve (DPS) të Gjukanoviqit në mënyrë që ai të vendoste veten si sundimtari i padiskutueshëm i Malit të Zi.
“Davidoviq përdori pasurinë e tij, të fituar përmes aktiviteteve të shumta ilegale – nga kontrabanda e cigareve dhe tregtia e naftës, atij të ndërtimit, blerja dhe shitja ndërkombëtare e armëve – për të financuar strukturat malazeze pro-serbe, të cilat ishin akoma në opozitë në vitin 2016. Plani i financimit të opozitës përfshinte gjithashtu kontaktet e Davidoviqit në Rusi”, thotë hulumtimi, përcjell Telegrafi.
Nga informacionet e qarqeve të sigurisë, të cilave i referohet Kurir, që nga viti 2016, Davidoviq ka vendosur kontakt me Oleg Lebedov, deputet në Dumën ruse, përmes Leonid Reshetnikov, një gjeneral në pension i Shërbimit të Jashtëm rus të Inteligjencës (SVR). Duke përdorur lidhjet e tyre të ngushta me Konstantin Malofeev, një oligark rus dhe manjat i medias, Davidoviq arriti të siguronte fonde për të financuar aktivitetet e opozitës në Mali të Zi.
Ka indikacione që sipas informacionit operacional, donacionet ruse u dhanë pjesërisht përmes një kompanie izraelite në pronësi të Aaron Shaviv, e cila drejtoi fushatën zgjedhore të Frontit Demokratik.
Informacioni i disponueshëm tregon se Davidoviq u dha para të gatshme disa politikanëve të opozitës malazeze në një hotel në Beograd, dhe se ai kishte ndërmjetësuar në realizimin e kontakteve të tyre të drejtpërdrejta me Malofeevin.
Pak para zgjedhjeve parlamentare të 2016-së në Mal të Zi, Davidoviq ndërmjetësoi në krijimin e kontakteve me disa politikanë të opozitës me anëtarët e Shërbimit Ushtarak rus të Inteligjencës (GRU), të cilët u takuan në Moskë dhe Bioqe të Malit të Zi,
“Gjukanoviq tashmë ishte i vetëdijshëm për rrezikun e veprimtarisë politike të Davidoviqit, kështu që u vu re në disa raporte të BIA-së se Gjukanoviq u përpoq ta detyronte Davidoviqin të hiqte dorë nga angazhimi i tij politik në Mal të Zi”, shkruan Kurir.
Siç pretendohet, duke marrë parasysh se Gjukanoviq, përmes Branislav Miçunoviqit, u përpoq të bënte presion ndaj Davidoviqit dhe ta bindte atë të hiqte dorë nga aktivitetet e tij politike.
Pas kësaj, Davidoviq u largua nga Mali i Zi nga frika për sigurinë e tij dhe u vendos në Beograd. /Telegrafi/
Lufta Prigozhin - Putin
Më shumëZelensky tregon tri llojet e armëve që i duhen Ukrainës për të mposhtur Rusinë
Ukraina tërheq nga vijat e frontit tanket amerikane Abrams për shkak të kërcënimeve nga dronët rus
Pse Greqia dhe Spanja po refuzojnë ta furnizojnë Ukrainën me sisteme të mbrojtjes ajrore?
Franca dhe Gjermania nënshkruajnë marrëveshjen miliarda euroshe mbi një projekt armësh
Zelensky paralajmëron për një "Çernobil të dytë"
Mercenari serb që lufton për rusët në Ukrainë i ankohet Putinit, thotë se nuk iu dha shtetësia ruse
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre