LAJMI I FUNDIT:

“Edhe një burrë që vranë një grua”, Osmani: Mjaft më me dënime qesharake

“Edhe një burrë që vranë një grua”, Osmani: Mjaft më me dënime qesharake

Presidentja e vendit, Vjosa Osmani, ka reaguar për rastin e vrasjes së sotme të 21-vjeçares në Ferizaj nga ish bashkëshorti i saj.

Osmani e ka cilësuar vrasjen e sotme si femicid.

“Edhe një përkujtim se këta vrasës mizor të cilët ia kanë mësyer të shkatërrojnë jo veç jetën e grave, por edhe thelbin e shoqërisë sonë mund të ndalen vetëm nëse të gjithë bashkohemi e rizgjohemi si shoqëri kundër këtij fenomeni të tmerrshëm”, ka shkruar Osmani në një postim në Facebook, transmeton Telegrafi.


Tutje Osmani ka thënë “Mjaft më me dënime qesharake. Mjaft më me sistem të çalë të drejtësisë. Mjaft më me dështim të shtyllave që do të duhej të mbronin gratë tona, qytetarët tanë”.

Duke i shprehur ngushëllime të sinqerta familjes, Osmani ka kërkuar dënim maksimal për vrasësin.

Një grua ka mbetur e vrarë nga të shtënat me armë zjarri në Qendrën për Punë Sociale në Ferizaj, pasditen e 12 prillit,  kurse vëllai i saj i mitur është plagosur. Dorasi dyshohet se ishte ish-bashkëshorti  i viktimës.

Policia e Kosovës për rajonin e Ferizajt, ka konfirmuar se gruaja, e identifikuar me inciale, E.C, 21 vjeçe, ka vdekur në vendin e ngjarjes, ndërkaq është plagosur edhe D.C, 15 vjeç.

I plagosuri është dërguar në Qendrën Emergjente në Ferizaj dhe është jashtë rrezikut për jetë.

Policia tha se ngjarja ndodhi në orën 14:40 dhe i dyshuari V.A, 36 vjeç, fillimisht kishte ikur nga vendi i ngjarjes, por autoritetet arritën ta arrestonin.

Ai, sipas Prokurorisë Themelore, është dërguar në mbajtje prej 48-orësh, dhe për të do të kërkohet masa e paraburgimit.

Ndaj vrasjes së 21-vjeçares në Ferizaj kanë reaguar edhe kryeministri Kurti, ministrja e Drejtësisë Albulena Haxhiu, liderë të partive politike dhe pjesëtarë të shoqërisë civile. /Telegrafi/

Në trend Lajme

Më shumë
Shqiptari humb jetën në Gjermani, dyshimet flasin për vrasje

Shqiptari humb jetën në Gjermani, dyshimet flasin për vrasje

Lajme
Sulmi ndaj lokalit në veri të cilin Sveçla e vizitoi të premten, njohësit e çështjeve të sigurisë thirrje për kujdes

Sulmi ndaj lokalit në veri të cilin Sveçla e vizitoi të premten, njohësit e çështjeve të sigurisë thirrje për kujdes

Siguri
Vazhdojnë temperaturat e larta, maksimalja sot arrin 38 gradë Celsius

Vazhdojnë temperaturat e larta, maksimalja sot arrin 38 gradë Celsius

Lajme
Plakja e popullsisë në Kosovë, alarm për të ardhmen

Plakja e popullsisë në Kosovë, alarm për të ardhmen

Sociale
Kurti me ofertë për mërgimtarët, pronarë biznesesh që duan të investojnë në Kosovë

Kurti me ofertë për mërgimtarët, pronarë biznesesh që duan të investojnë në Kosovë

Lajme
Këto janë 10 plazhet më të bukura shqiptare sipas revistës

Këto janë 10 plazhet më të bukura shqiptare sipas revistës "Condé Nast Traveler"

Lajme
Kalo në kategori