Edhe komunat shqiptare u dalin në ndihmë zonave të vërshuara (Foto)
Në solidarizim me bashkëkombësit nga Hasanbegu, sot Komuna Dibër në bashkëpunim në bashkëpunim me biznesmen të vendit ka dërguar 3000kg (makarona, jufka si dhe prodhime të tjera të bardha).
“Aktiviteti humanitar do vazhdoj pandërprerë me qëllimin për tu dalë në ndihmë banorëve të asaj zone. Në ditët në vazhdim do të organizohet grumbullimi i ndihmave në ushqim, veshmbathje si dhe në mjete të tjera deri në tejkalimin e situatës”, kanë njoftuar nga kabineti i kryetarit të komunës së Dibrës.
Ndërsa edhe sot, komuna e Tetovës dhe NP Parkingu i qytetit – Tetovë, kanë dërguar 6000 l ujë të pijshëm për familjet e goditura nga vërshimet në Hasanbeg.
“Bashkëndjejmë me dhembjen e tyre në këto ditë të vështira për ta, dhe do të jemi pranë tyre duke i ndihmuar në çdo hap të kësaj sprove që po përjetojnë. Tetova i ka ende të freskëta kujtimet nga vërshimet e vitit të kaluar, dhe ne të gjithë e dimë çdo të thotë të ndihesh i pashpresë, i humbur dhe të kesh nevojë për një dorë vëllazërore, për tu ngritur sërish e të vazhdosh më tutje”, thonë nga komuna e Tetovës.
Po ashtu edhe komuna e Strugës ka nisur aktivitete për të ndihmuar familjet në zonat e përmbytura në Shkup.
Sot punonjës të kësaj komune, kanë transportuar drejt Hasanbegut si zonë me dëme më të mëdha, një sasi të konsiderueshme të ujit të pijshëm dhe qumështit. Ky është kontingjenti i parë me ndihma nga Struga, ndërsa ditët në vazhdim pritet të konkretizohen edhe shumë aksione tjera të cilët tashmë kanë nisur në qytet por edhe në fshatrat e rajonit të Strugës.
Komuna e Strugës ka njoftuar se me gjitha kapacitete e saja, do të mbështes iniciativat për ndihma dhe do të mbështesë edhe vetë në vazhdim familjet e prekura nga përmbytjet në Shkup.
Këshilli i komunës së Sarajit, në një seancë të jashtëzakonshme në të cilën kanë marrë pjesë edhe Shtabi lokal për emergjencë ka shqyrtuar situatën aktuale pas vërshimeve në rajonin e Shkupit. Në këtë takim është marrë vendim që në komunën e Sarajit të hapet pika për grumbullimin e ndihmave për rajonin e prekur nga kjo fatkeqësi natyrore.
Në këtë takim gjithashtu është marrë vendim që banorë lokal në formë të organizuar të ndihmojnë në pastrimin e shtëpive në pjesën e prekur nga kjo fatkeqësi natyrore në të cilën jetën e kanë humbur shumë njerëz ndërsa janë shkaktuar dëme të konsiderueshme materiale.
Komuna e Kërçovës në bashkëpunim me bizneset e këtij qyteti ka nisur një kontingjent me makineri drejt Shkupit.
“Komuna e Kërçovës – Shtabi vendor për mbrojte dhe shpëtim në bashkëpunim me institucionet tjera relevante, falënderuar edhe gatishmërinë e kompanisë vendore “Instalimi”, për të zgjatur dorën e ndihmesës, sot në drejtim të Shkupit u nis kontingjenti i makinerisë (pompa uji, ekskavatorë) dhe burime njerëzore për tu bashkangjitur aktiviteteve për sanimin e dëmeve të shkaktuara nga përmbytjet”.
Gjithmonë në bashkëpunim me faktorë tjerë, nuk do të rrimë duarlidhur për të sjellë ndihmën për rajonet e dëmtuara”, shkruan mes tjerash kreu i komunës së Kërçovës Fatmir Dehari./Telegrafi/
Promo
Reklamo këtuLufta Prigozhin - Putin
Më shumëDhuna dhe largimi nga banesa dyshohet se e detyruan gruan të mbytet me tre fëmijët e saj në Shkodër, çfarë dihet deri tani për rastin?
Kurti uron besimtarët ortodoksë: Fryma e Pashkës ju dhuroftë mirëqenie, shëndet, lumturi dhe begati
Zhdukja e nënës me tre fëmijët në Shkodër, policia arreston bashkëshortin - dyshohet të jenë mbytur për shkak të dhunës
Sekretari i EFJ-së i reagon Dimal Bashës: Sjellja jote e papërgjegjshme po e dëmton reputacionin e Kosovës
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Axhanqiq: Unë takohem me Kurtin hapur, të tjerët fshihen
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak