Ederson po largohet drejt Arabisë, Man City e gjen menjëherë zëvendësuesin e tij

Manchester City ka kontaktuar një portier të nivelit të lartë si opsion për ta zëvendësuar Edersonin në rast largimi këtë verë.

Ederson ka qenë subjekt i disa thashethemeve të mëdha para fillimit të sezonit të ri të garave.

Ai po kërkohet me ngulm nga klubi arab Al Ittihad, të cilët kanë kontaktuar Man Cityn rreth mundësisë së transferimit të brazilianit gjatë javëve në vijim.

Al Nassr fillimisht kishte shprehur interesim për transferimin e portierit në Lindjen e Mesme, por ata nuk gjetën gjuhën e përbashkët me Cityn dhe tani Al Ittihadi është ekipi favorit.

Ederson besohet se ka një vlerë prej 50 milionë eurosh dhe klubi arab po përgatitet ta paguajë këtë shumë në atë që do të ishte një blerje e madhe për Superligën e Arabisë.

Në rast largimi, kampioni anglez, pastaj Pep Guardiola do të jenë të ngarkuar me detyrën e gjetjes së zëvendësuesit të tij.

Por një portier tashmë është identifikuar, pasi gazetari Ben Jacobs pretendon se ‘Qytetarët’ kanë kontaktuar me Gianluigi Donnarumman.

Manchester City have approached Gianluigi Donnarumma as an option in case Ederson leaves for Saudi.

Donnarumma is happy at PSG and has held early-stage discussions about extending, but is known to be interested in playing in the Premier League at some stage in his career.🧤 pic.twitter.com/UdfJHiqnQl

— Ben Jacobs (@JacobsBen) July 22, 2024

Sidoqoftë, Donnarumma është i lumtur tek Paris Saint-Germaini dhe ka mbajtur bisedime për ta zgjatur qëndrimin e tij në Francë.

Si do që të jetë, italiani mendohet se është i interesuar që në një të ardhme të luajë në elitën e futbollit anglez.

25-vjeçari që bëri emër tek Milani ishte transferuar tek PSG-ja në verën e vitit 2021 si lojtar i lirë, ndërsa deri më tani numëron 114 paraqitje me fanellën e tyre./Telegrafi/