Ndryshe nga qëndrimi i Qeverisë serbe, ish-kryeprokurori i krimeve të luftës, Vladimir Vukçeviq, ka thënë se ishte fakt që kundër boshnjakëve nga Srebrenica u krye gjenocid.
Në një panel diskutimi në Qendrën për Dekontaminim Kulturor në Beograd, ai është shprehur se politikanët luajnë vazhdimisht lojëra politike me faktet në lidhje me atë që ndodhi në Srebrenicë, por se ajo duhet të përshkruhet si gjenocid.
“A pati gjenocid në Srebrenicë? Po, pati. Keni një vendim nga Gjykata Ndërkombëtare e Drejtësisë që thotë se atje pati gjenocid dhe kaq ishte”, ka deklaruar Vukçeviq në diskutimin, i cili titullohej “22 vjet pas konfliktit: A ka marrë fund historia e krimeve të luftës?”.
Masakrat e Srebrenicës janë përkufizuar si gjenocid nga Gjykata Penale Ndërkombëtare për ish-Jugosllavinë, Gjykata Ndërkombëtare e Drejtësisë dhe gjykata shtetërore boshnjake, por përkufizimi kundërshtohet fort nga zyrtarë serbë dhe boshnjakë, të cilët pretendojnë se krimi nuk arrinte në gjenocid.
Në mars 2010, Parlamenti i Serbisë miratoi një rezolutë që dënon masakrat e Srebrenicës, por nuk e quajti krimin një gjenocid. Gjatë kohës që ishte kryeprokuror, Vukçeviq paditi njerëz për krime lufte në Srebrenicë, por jo për gjenocid, transmeton kallo.com.
Duke folur për presionet dhe kritikat që pati ndaj tij para se ai të largohej nga posti i kryeprokurorit në dhjetor 2015, Vukçeviq ka thënë se kjo ishte sepse ai ishte i përfshirë më shumë në ndjekjen penale të çështjeve në të cilat autorët e krimeve të luftës ishin serbë sesa të atyre që kishin të bënin me krimet e luftës kundër serbëve.
“S’është faji im që serbët kryen më shumë krime”, ka theksuar Vukçeviq, i cili ishte kryeprokurori i parë dhe i vetmi deri më tani për krime lufte.
Ai nuk është zëvendësuar për afërsisht një vit e gjysmë që kur ai la punën – një situatë që ka shkaktuar kritika nga organizatat e të drejtave të njeriut dhe Bashkimi Evropian. Qeveria ka propozuar dy kandidatë për ta zëvendësuar atë, por Parlamenti duhet ende të zgjedhë një prej tyre.
Sipas vëzhguesve, fakti që Zyra e Prokurorit të Krimeve të Luftës nuk ka pasur një kryeprokuror deri më tani e ka dëmtuar edhe më tej institucionin tashmë të brishtë, i cili ka vuajtur nga një mungesë mbështetjeje dhe burimesh, si edhe i është nënshtruar presionit politik gjatë dy viteve të fundit.
Numri i ndjekjeve penale të krimeve të luftës ka qenë më i ulëti për vite me radhë – në vitin 2014 u ngritën vetëm katër padi, në vitin 2015 nuk ka pasur padi ndërsa në vitin 2016 janë ngritur tetë të tilla; njëra ishte rasti i parë serb për krime lufte në Srebrenicë, por të tjerat ishin kryesisht krime të vogla me një të pandehur.
Këtë muaj prokuroria ngriti dy padi të reja në lidhje me luftën në Bosnjë – një për vrasjen e boshnjakëve në qytetin Shtërpci dhe për vrasjet në Sanski Most.
Prej tre vitesh në Kosovë nuk është ngritur asnjë padi për krime lufte.
Duke folur në debatin e organizuar nga gazeta “Danas” dhe “Forum ZDF” të hënën, Natasha Kandiq, koordinatorja e Koalicioni për RECOM, i cili përkrah krijimin e një komisioni rajonal për kërkimin e të vërtetës, tha se gjykatat serbe sigurohen gjithmonë që vendi të mos përfshihet në gjenocidin në Srebrenicë.
Kandiq shprehu gjithashtu dyshimet për atë që mund të arrijë kryeprokurori i ri i krimeve të luftës.
“Ata s’do të mund të bashkëpunojnë me institucionet e Kosovës, të cilave EULEX-i i ka kaluar juridiksionin në mes të vitit 2014, pasi Serbia nuk e njeh Kosovën”, tha ajo.
Ndërkohë, më 20 prill, një prokuror ndërkombëtar i Prokurorisë Speciale të Republikës së Kosovës ngriti aktakuzë për krime lufte kundër një rezervisti të Policisë serbe, i dyshuar për pjesëmarrje në masakrën kundër civilëve shqiptarë në Studime të Vushtrrisë.
Lufta Prigozhin - Putin
Më shumëNga Rubrika
Shefi i NATO-s fluturon me aeroplan ushtarak mbi Gjermani
Gatishmëria e Polonisë për të pritur armët bërthamore të NATO-s përballet me kërcënim nga forcat ruse
Dy vite më parë arritën marrëveshje për blerjen e 12 aeroplanëve luftarakë francez Rafale, gjashtë prej tyre ateruan në Zagreb të Kroacisë
Dy vite më parë arritën marrëveshje për blerjen e 12 aeroplanëve luftarakë francez Rafale, gjashtë prej tyre ateruan në Zagreb të Kroacisë
Macron: Evropa mund të vdesë, duhet të tregojmë që nuk jemi vasal i Shteteve të Bashkuara
Piloti ukrainas i MiG-29 rrëzon dronin spiun rus – pamje nga toka dhe kabina e fluturakes
Ukrainasit përdorin për herë të parë raketat amerikane me rreze të gjatë
Kush është serbi nga Prishtina që Beogradin mund t'ia merr Vuçiqit në zgjedhjet e 2 qershorit
Pak para se të lansonte raketat mbi pozicionet e ukrainasve, sistemi raketor rus Buk-M1 shkatërrohet – goditet direkt
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën